上品火鍋料理

營業中

休息中

鮮花係指排盤嘅花，雪花係指牛肉嘅雪花紋。排盤排得靚，肉質又靚，呢餐打邊爐就當然食得心情靚啦。聚會揀打邊爐就最開心啦，人多可以揀多啲配料啊嘛。一向打邊爐我都唔太在意啲擺盤，但今次呢間餐廳啲排盤又幾吸引我嘅注意喔。啲海鮮擺盤幾靚，有啲鮮花陪襯睇落都好似新鮮啲。另一個吸引我注意嘅係牛肉拼盤啲雪花，一睇就知好食果種。我地叫嘅鴛鴦湯底，鮮茄薯仔牛粒鍋拼秘製馬來沙爹鍋，我就中意鮮茄多啲，番茄味幾濃郁，但又唔會太鹹，唔錯。一齊都叫咗十幾樣嘢，打邊爐啲配料都唔錯，無出現唔新鮮嘅情況，質量都算中上。仲叫咗一款小食：四川口水雞，味道都唔錯，啲雞幾嫩滑，醬汁惹味香辣。