影片
更多
2022-12-14
1027 瀏覽
天氣咁凍，即刻相約朋友去打邊爐，佢揀咗呢間熊本牛鍋，尖沙咀同元朗都有分店，環境上好似元朗呢間闊落啲，同埋應該少人啲～$268一位皇牌和牛套餐，可以食180分鐘，首先會上和風海鮮雞煲，雞肉肥美入味，海蝦冋鮑魚都新鮮爽彈，特別在加咗番薯同紫薯，同辣辣地嘅汁一齊食又幾好味!!食完雞煲可以用返雞煲個汁再加湯做火鍋湯底。但有少少擔心雞煲個汁太油，所以都係加$20轉做壽喜燒湯底，呢個選擇非常正確，壽喜燒湯底有唔少大蔥同洋蔥喺裏面，湯底鮮甜同牛肉好夾!! 有三款肉任食，用QR code落單，兩款牛肉都好味特別係牛小排，油花豐富，朋友就鍾意牛肩胛，肉味濃郁而且瘦啲，豚肉都OK但就冇牛肉咁好食，只可以order一碟嘅牛白肉我哋反而麻麻地!!蔬菜類都多選擇有羽衣甘藍、萵筍、秋葵等等，朋友同我講話無菇攞，出去望吓原來佢放高咗一格，眼大睇過籠會望唔到，另外丸類都非常多款，雲吞同芋泥包心丸好味!! 飲品試咗冰糖紅棗燉雪耳，幾滋潤清清地唔太甜，仲有三至四款啤酒，再試左兩款零卡路里飲品，唔飲甜野留返個quota食雪糕， 曲奇同士多啤梨味雪糕都好味，慢慢食最後都坐左兩個幾鐘，食完即刻暖笠笠~😊😊
$268一位皇牌和牛套餐，可以食180分鐘，首先會上和風海鮮雞煲，雞肉肥美入味，海蝦冋鮑魚都新鮮爽彈，特別在加咗番薯同紫薯，同辣辣地嘅汁一齊食又幾好味!!
食完雞煲可以用返雞煲個汁再加湯做火鍋湯底。但有少少擔心雞煲個汁太油，所以都係加$20轉做壽喜燒湯底，呢個選擇非常正確，壽喜燒湯底有唔少大蔥同洋蔥喺裏面，湯底鮮甜同牛肉好夾!!
有三款肉任食，用QR code落單，兩款牛肉都好味特別係牛小排，油花豐富，朋友就鍾意牛肩胛，肉味濃郁而且瘦啲，豚肉都OK但就冇牛肉咁好食，只可以order一碟嘅牛白肉我哋反而麻麻地!!
蔬菜類都多選擇有羽衣甘藍、萵筍、秋葵等等，朋友同我講話無菇攞，出去望吓原來佢放高咗一格，眼大睇過籠會望唔到，另外丸類都非常多款，雲吞同芋泥包心丸好味!!
飲品試咗冰糖紅棗燉雪耳，幾滋潤清清地唔太甜，仲有三至四款啤酒，再試左兩款零卡路里飲品，唔飲甜野留返個quota食雪糕， 曲奇同士多啤梨味雪糕都好味，慢慢食最後都坐左兩個幾鐘，食完即刻暖笠笠~😊😊
張貼
