半島漁港/阿翁火鍋館

營業中

休息中

早兩日同老婆去馬鞍山探朋友之後經過【迎海薈】咁啱又到晚飯時間，加上近排天氣又涼返最好就梗係打邊爐la，我就揀左位於地下既【半島漁港】嗱，之前食過其他分店食物好質量好係信心嘅保證👍🏻，時間大約係6點零鐘行埋去攞位，店員好快安排我地入座，我地坐喺好近攞嘢食(食物同飲品雪櫃)嘅位置非常方便，店員亦好快幫我哋安排湯底同埋預備調味料，我地揀左姬松茸什菌鍋，湯底嚟到上枱菌味撲鼻香濃👍🏻，再嚟刺身有: 三文魚, 帶子, 甜蝦同墨魚，刺身新鮮用嚟做前菜一流， 海鮮拼盤有蟶子, 青口, 大蝦, 墨魚同埋白蜆同樣新鮮好味，再上埋手切頂級牛頸脊同埋特大水餃，呢兩樣絕對係呢個火鍋裏面必食推薦項目👍🏻👍🏻，牛味香濃又夠淋滑，水餃非常足料蝦肉又夠大粒同彈牙，仲有蠔皇鮑魚扣玉掌淨係食呢啲都飽咗一半同埋足已回本👍🏻👍🏻， 其後再攞咗雪櫃嘅食物有: 鵝腸, 丸類, 蔬菜, 烏冬, 蓮藕同粟米等都係正常水平la，另外落order叫嘅有: 鱔片, 鯇魚片, 蝦滑, 墨魚滑同埋黑豚肉呢幾樣都好高質，呢度以$268加一無限時任食絕對超值👍🏻好食😊又抵食