影片
更多
2020-06-13
530 瀏覽
齊心抗疫? 呢個疫情我諗對飲食業都頗傷元氣, 打邊爐位於廟街街舖, 專供晚市, 佢哋開到凌晨時份, 且嚴選食材, 好多為食友食完都推介, 就算平日都好多捧場客, 非常旺場的, 疫情之下佢哋都少咗好多生意, 今晚專登黎打邊邊捧下場, 希望各大有心食肆能盡快重回正軌, 香港加油, 食店加油! 打邊爐加油!疫情之下, 每位客人入門用酒精搓手液清潔雙手及探熱, 每位顧客奉送口罩套一個安置你的口罩, 打邊爐為讓客人食得安心又放心, 抗疫措施做足!打邊爐裝修走中國feel, 枱與枱之間都跟足政府指引, 相隔足夠空間, 實木餐枱餐椅坐得舒服, 高樓底加上通風系統很不錯, 唔焗促, 打完邊爐衣服完全冇吸到味。讓客人食得更安心, 服務員即場喺客人面前用滾水把所有餐具再清洗一次才奉客, 讚餐廳用iPad 落單, 所有食材分門別類供客人選擇, 透過mon去睇食物, 食物色相特別吸引, 又不用浪費紙張, 夠環環保, 再讚日式海鮮盛.....正呀!打邊爐飲品不能少, 除咗啤酒汽水, 還提供多款自家煲製飲料, 我叫左檸檬薏米水, 朋友叫左竹蔗水。自家製香茅檸檬薏米水 ($25)薏米清熱去濕, 檸檬及香茅氣味清新芳
疫情之下, 每位客人入門用酒精搓手液清潔雙手及探熱, 每位顧客奉送口罩套一個安置你的口罩, 打邊爐為讓客人食得安心又放心, 抗疫措施做足!
打邊爐裝修走中國feel, 枱與枱之間都跟足政府指引, 相隔足夠空間, 實木餐枱餐椅坐得舒服, 高樓底加上通風系統很不錯, 唔焗促, 打完邊爐衣服完全冇吸到味。
讓客人食得更安心, 服務員即場喺客人面前用滾水把所有餐具再清洗一次才奉客, 讚
餐廳用iPad 落單, 所有食材分門別類供客人選擇, 透過mon去睇食物, 食物色相特別吸引, 又不用浪費紙張, 夠環環保, 再讚
日式海鮮盛.....正呀!
打邊爐飲品不能少, 除咗啤酒汽水, 還提供多款自家煲製飲料, 我叫左檸檬薏米水, 朋友叫左竹蔗水。
自家製香茅檸檬薏米水 ($25)
薏米清熱去濕, 檸檬及香茅氣味清新芳香, 酸酸甜甜, 原支雪凍, 夠冰涼爽神, 啱曬打邊邊飲。
深海八爪魚 ($168)
(PS 蝕左, 原來食夠$1,000 送一份, 下次唔好蝕底, 坐低要睇晒D野, 睇下有乜著數先好叫野.)
店員推介的限時供應~八爪魚刺生, 通常食buffet嗰啲八爪魚刺身只係過吓口癮, 冇乜鮮味的 , 估唔到八爪魚都可以咁鮮甜, 八爪魚身爽口得黎夠鮮味, 手手腳腳則入口爽到彈下彈下嗰隻, 拈幾滴豉油同wasabi食, 超正!!
冬陰功海鮮鍋-小辣 ($268）
冬陰功湯大大煱, 先飲為敬, 打邊邊前先來一碗, 終於知點解佢哋要用咁大個煱, 唔大煱一人飲一碗個湯底都見底了, 鍋底用上很多新鮮大蝦, 原隻花蟹, 大量花甲, 蕃茄及泰式香料, 湯頭微辣, 好香椰汁及香料味道, 啖啖海鮮嘅鹹鮮, 飲完唔搶喉, 好飲。
打邊邊前除咗飲湯, 就梗係食埋裏面嘅海鮮先, 大大隻新鮮蝦, 又爽又甜, 花蟹雖則唔係好大隻, 都叫有肉食, 食完啲海鮮, 飽咗2成。
手切霜降安格斯肥牛 ($198/小)
打邊爐精髓 ~~ 牛肉, 冇食過牛肉好似冇打過邊爐咁。
呢碟手切安格斯色相非常吸引, 肉質有光澤, 肉色鮮紅亮麗, 片片肥瘦分明, 入口肉質結實有質感, 仲有少少爽口, 肉味濃
脆鯇魚 ($58)
新鮮! 入口脆脆的, 口感有啲像吃鱔片!
福州魚丸 ($58)
推介! 灼熟咗好似乒乓波咁彈, 夠魚味, 又爽又彈牙, 裏面嘅豬肉汁好豐富, 鮮美
鮮紫淮山 ($68)
紫淮山係中國嘅super food, 健脾補腎, 又能益肺, 多功能的健康有營食品, 仲好鬼爽口, 灼耐左仍然咁脆口。
埋單每位送香甜杞子桂花糕潤一潤先走人
食材新鮮, 品質上乘, 服務員姐姐招呼又周到, 滿足又好味的一餐。
張貼
