616牛肉火鍋專門店 (白楊街) (已結業)

如果平時打邊爐已經食到悶，咁就可以試下今次介紹依間《616牛肉火鍋專門店》，最啱仲要食牛肉而又食得刁鑽嘅朋友。店內提供數十種牛肉嘅部位，梗有一款啱你好味。第一步當然揀咗湯底先，鴛鴦鍋就開始試晒兩個湯底，揀咗一個辣一個唔辣，鴛鴦麻辣牛骨湯。第二部當然係揀牛肉，估唔到牛肉都分咁多個部位，決定乜都叫下先。安格斯橫隔肌 顏色相對上較深色，脂肪比較少，薄切湪個10秒就可以食，牛肉味濃。熟成加拿大牛肩脊熟成牛肉嘅牛扒就食得多，用黎打邊爐就真係新嘗試。用左21日去熟成處理，油花呈大理石形狀，口感會比較煙靭適中，肉味更加突出。吊龍伴吊龍伴其實就係肉眼扒外圍嘅肉，因為係肉同筋膜中間，所以特別口感軟腍，又多肉汁。牛駝峰必點！牛朴肉後端的頸背間的肉，對應水牛像駱駝峰的位置，間中帶幼筋，油香肉味比例平均，屬適合大眾口味之選！可以話有油香同肉味都重，完美balance!滑尾龍尾龍就係牛嘅後腿肉，經常運動嘅部位，所以脂肪含量比較少，但係肉味就會好濃郁。中間打左一隻生蛋，食之前先均勻攪拌，會令到口感更加幼滑，10秒左右就可以食。除此之外，配料食左鴨血同埋鮮制手打烏冬。鴨血食落都好爽口，用埋麻辣湯煮會更加入味。手打烏