川婆婆 (寶勒巷) (已結業)

雖然天氣好熱，但朋友突然好想打邊爐，又想食燒肉，同事聽到就立即介紹咗我地黎”川婆婆串串火鍋”，呢度火鍋又得，燒肉又得🤘🏻四川風嘅餐廳，簡約室內大排檔feel，啱晒我地，無需過份拘謹🤣呢度任食放題100分鐘，分A、B、C餐，包咗一碟好靚嘅牛肉， A、B餐仲有海鮮併盤(有小鮑魚、聖子、扇貝、老虎大蝦)。鴛鴦雙併鍋四川麻辣茶底火鍋，辣度十足，加上淡淡嘅玫瑰花茶或桂花茶，辣得黎有陣陣茶香，夠特別。養生菌王雞湯 - 足料湯底，用上蟲草花、姬松茸等材料熬製而成。好適合烚菜或海鮮，帶出食材本身的鮮味。自助食材區有多款不同食物選擇，除一般嘅菜、菌類、肥牛/羊肉片、肉丸、魚皮餃，仲有牛栢業、鵝腸同好多自家醃製過嘅串燒，如牛肉芫茜串、雞軟骨、羊肉串、魷魚。部份以小鐵籠型式擺放，部分以串燒型式1至2件的串起來，不論燒定滾，食起上黎都超方便。個人特別喜歡佢嘅牛肉同羊肉串，好有四川風味。整體食物質素甚高，食材新鮮，適合三五知己飲酒傾計嘅好地方。