後宮 (已結業)

今次係尖沙咀打邊爐，食打邊爐既係呢區好多選擇，但揀左間係赫德道附近近地酒吧街既試試 。佢地除左打邊爐，都有得唱K，如果又想打邊爐又想唱埋K 就岩晒 ，但今次我地只係掛住食食食叫左個胡椒豬肚雞鍋佢個雞湯好香濃，裡面都有豬肚，未食之前已經飲左幾磅湯同係咁食豬肚 。佢份雞好大碟，應該係足足一隻雞，如果叫呢個，已經可以叫少一樣了 。個湯越煲越香濃，胡椒慢慢越煲越出味，但又唔會辣 😋由於打邊爐要等水滾先有得食，我地另外都叫左長沙臭豆腐同乾蔥撈麵 。臭豆腐表面炸到勁乾勁脆，加埋菜鋪同芫茜🌿一齊食，超級滋味 。另外一個乾蔥撈麵都出色，香濃入味，夠乾身，唔太油膩 。再叫左牛雙併有牛頸脊同特級封門柳，2樣都係厚切架 。牛頸脊只係滾幾秒就食得，帶少少脂肪，咬落軟淋同爽口，封門柳食落牛味重d，一樣滾幾秒就可以，一樣爽口 。佢地仲有其他牛部位可選 。雙餃併盤分別有雲吞同韭菜餃，雙併佢仲可以選魚皮餃添，小編個人比較喜歡韭菜餃，因為韭菜餃食到韭菜爽脆，皮夠簿 。雲吞大粒，餡料都滿滿 。今次一行二人，叫左唔係好多野都食唔晒d雞，就知佢呢個胡椒豬肚雞有幾大份啦 。如果三五知己去食，相信問題不大，仲可以加好多餸添 。📍