緯驊藝廚

營業中

休息中

如果要介紹打工仔飯堂，我一定介紹緯驊。五六十蚊一個午飯，但料係靚喎！見到佢有做openrice外賣優惠，價錢仲抵。我已經黎過幾次，最值得推介係佢個蘿蔔牛腩。蘿蔔超吸入味，牛腩更加唔使講，件件大舊炆得剛剛好，唔會好硬又唔會太淋。呢個係當日午餐推介，仲送飲品，價錢來講係抵食。另外散叫一個冬陰功蝦球炒意粉。本身呢個冬陰功都幾辣，老闆知我食得辣，仲問我加唔加辣，我當然話好啦😂真係辣得好過癮！呢個我要特推，每次黎我都食呢個，酸辣我唔好，好彩唔太酸，對我黎講啱啱好。呢間餐廳成日做唔同嘅優惠同菜式。最近做緊兩小時火鍋放題，價錢亦幾吸引，二百零蚊兩個鍾。冬天嗰時仲做羊腩煲，買過返屋企過節，好正！建議加佢社交平台留意佢嘅優惠同訂枱試新野。