Briketenia (已改名) 查看

知道北角匯狗展延長咗， 趁住假期同屋企人去欣賞《愛犬‧美術館》同high tea 打卡Chill下！餐廳除了有室內， 還有露天座位， 可以欣賞海景，可惜今日有d熱， 所以我地都係選擇喺室內坐。下午茶set 以日本岡山白桃為主題， 11款精緻可口鹹、甜點。鹹點有鵝肝醬伴日本清水白桃果醬、 清新開胃吞拿魚青瓜三文治、 清爽又香甜既巴馬火腿配清水白桃， 濃郁厚實既迷你蒲燒汁牛肉漢堡、日式小食鮮蠔大阪燒。當然少不了下午茶必備的原味及提子英式鬆餅！最期待甜點有清新香茅啫喱配清水白桃蜜餞、清水日桃慕絲杏仁撻、口感creamy既清水白桃忌廉蛋糕。奶香味重既清水白桃西米奶凍、清新而甜蜜既青檸芝士蛋糕配清水白桃。