Classy - Seafood & Steak

營業中

休息中

💡打卡西餐廳今晚同另一半慶祝紀念日，呢間西餐廳環境浪漫到爆✨無論係食物定環境都令人滿意，裝飾好有心，過左一個好chill 的晚上。🦀 頭盤🌽墨西哥甜粟米蟹肉周打湯 蟹肉有好多，用龍蝦殼熬製，每啖都食到絲絲蟹肉～甜粟米粒增加口感。🍄野菌忌廉湯 打碎咗三種野生菇菌，creamy得嚟唔膩口～跟嘅蒜蓉包好香脆。🥗 前菜🍈巴馬火腿伴蜜瓜 24個月風乾火腿鹹香完美，蜜瓜清甜多汁，夾埋一齊食岩岩好中和左。🦆香煎法國鴨肝 🦆鴨肝份量十足，外脆內溶嘅邪惡美味！🔥烤原隻帶子 刺身級Size，表面炙燒到微焦，中心保持半透明～食落仲好彈牙。🥩 主菜🐂炭燒澳洲和牛肉眼扒 Medium rare完美粉紅色，油花分布均勻，炭燒香氣深入肉纖維，牛味好出，肉質一啲都唔鞋口，仲幾淋身配埋佢哋特製嘅醬汁，味道更加豐富。鍾意食肉嘅朋友一定會鍾意！😋🐔燒脆皮黃油雞 估唔到燒完皮仲保持到脆口，雞胸肉竟然嫩滑多汁，黃油香滲透每絲肉～伴碟嘅有薯蓉。🍰 甜品繽紛世界梳乎厘班戟 班戟空氣感十足，即叫即焗要等20分鐘⏳ 配埋爆谷及雜莓醬，甜度輕盈～打卡必點。