麻辣風雲 (已結業)

相信大家對佢地既打卡饅頭船唔會陌生，餐廳幾大，座位寬敞，坐得舒服。⭐️前菜🥜(每碟) $9藕尖酸甜爽脆，麻辣花生偏鹹少少辣。⭐️荔枝蝦球🍤 $108 🔥推介🔥荔枝樹配乾冰出場即時仙氣滿滿，乾冰維持到一段時間，有充份時間打卡。將荔枝由樹上摘落黎，其實係以荔枝形狀呈現既蝦球，像真度高。外皮薄而脆，擺耐左都仲脆身，蝦球肉質爽彈，有粒粒蝦肉，點埋酸甜醬汁更開胃。⭐️酸菜魚🐟 $268（中酸中麻中辣走芫茜🌿)魚片粉量多，嫩滑無骨，配料有酸菜、豆卜、萵筍、金菇、寬粉。寬粉幾煙韌，夾果陣要小心彈到衫仔因為真幾大條。湯底比較重口味，酸菜既酸味煮晒出黎，酸麻辣都平衡得岩岩好，辣度黎講食開5小辣既🐻覺得都辣辣地🌶️。⭐️蔥花豬油撈飯🐽 $32突然懷舊一下🤭味道正常發揮，每啖都充滿油香。⭐️水果桃雜果茶🍑🍎🍊🍋 $88斟到6-7杯，解辣解膩。整體桃味幾出，唔算好甜但平時飲開3分甜既可以等冰溶少少先飲。💬要表揚一位唔戴眼鏡既男店員，當晚帶我地入座同收錢都係佢，好細心有禮貌，🐻拎起碟酸菜魚隻手油淋淋，轉頭就有紙巾擺枱面，非常貼心。