INN - I’m Not Nothing

營業中

休息中

餐廳地點方便就腳，就喺一堆巴士站同地鐵出口隔離，而且只係上2層，唔似其他更就樓層餐廳要等好耐𨋢。入到去係另一個世界，裝修用心，有羅馬石柱，牆上投影住月亮花朵等嘅影片，燈光昏暗，氣氛良好，但略嫌餐枱圓形同埋比較細。欣賞廁所有屏風隔一隔，關顧食客感受🫶🏻食物款式不少，亦有提供晚餐，不過晚餐嘅配搭3位女士都唔啱，所以最後散叫。頭盤/小食：牛油香煎蟹餅伴檸檬忌廉脆多士(餐廳贈送)-檸檬多士第一次食，好特別；蟹餅香口，食到蟹肉絲。牛油香煎帶子伴忌廉菠菜配香脆酸種麵包多士-帶子口感爽，菠菜竟然係湯，而且好好味，幾配合 主食：燒安格斯西冷牛扒8安士半牛油燒波士頓龍蝦-扒7成熟，牛味濃，皮脆肉嫩，因為太暗，估唔到咁好食；龍蝦少少韌。和牛漢堡扒蕃茄意大利粉，不錯。甜品：藍莓紅豆抹茶忌廉班戟-班戟好薄，紅豆同抹茶好夾，食埋藍莓好Fresh；因為有朋友生日，餐廳有提供甜品寫字服務，寫得好靚，打卡一流🫶🏻。餐飲+餐湯：熱朱古力，有朱古力香，甜度適中。番茄湯，較浠身，味道適中。