影片
更多
2023-07-19
213 瀏覽
去左間觀塘網紅cafe，朋友推薦，3條友仔一齊食但條龍真係好長😢，排左成個幾鐘先入到🫠間野坐位都算舒適，拿拿聲點左一堆野食CobberNoodles $96 其實就係蕃茄鮮蝦🦐意粉🍝? 辣辣地幾好食，蝦都算大隻青醬燉飯 $138 同 黑松露燉飯$148青醬好好食，兩個燉飯分量都叫食得飽人，味道OK正正常常不過不失啦😌鹹蛋黃雞翼 (6隻) $68雞翼炸得都脆口，沾上香濃的鹹蛋黃，非常罪惡又非常美味🤩炸魷魚鬚配芥末籽蛋黃醬$78我其實非常喜歡食炸魷魚🦑，但出面店賣既好多時都超級韌😣，啃到嘴巴都酸埋都未啃完😩呢間既就唔會👍🏻，幾有咬口但又唔會太韌，而魷魚都無乜腥味我個人好鐘意食😋佛手柑啫喱伯爵茶忌廉梳乎厘班戟 $109呢間店好似出名就係佢既梳乎厘班戟🥞係店外面已經一堆poster畫左各種梳乎厘班戟圖拎上黎第一感覺就係擺盤真係靚，非常適合打卡影相用😍之後3條友仔分，我用刀一切就驚了！呢個質感…😯點講呢，我真係好少食呢類甜品，不過我諗佢係做得好既梳乎厘🧐聽講梳乎厘就係食空氣感😂無錯! 呢個梳乎厘班戟真係好似食緊空氣咁🥹佢口感就係一入口就好像食緊一舊☁️咁，好快佢就係你口入面化開消失🫥口感幾得意，不
去左間觀塘網紅cafe，朋友推薦，3條友仔一齊食
但條龍真係好長😢，排左成個幾鐘先入到🫠
間野坐位都算舒適，拿拿聲點左一堆野食
CobberNoodles $96
其實就係蕃茄鮮蝦🦐意粉🍝? 辣辣地幾好食，蝦都算大隻
青醬燉飯 $138 同 黑松露燉飯$148
青醬好好食，兩個燉飯分量都叫食得飽人，味道OK
正正常常不過不失啦😌
鹹蛋黃雞翼 (6隻) $68
雞翼炸得都脆口，沾上香濃的鹹蛋黃，非常罪惡又非常美味🤩
炸魷魚鬚配芥末籽蛋黃醬$78
我其實非常喜歡食炸魷魚🦑，但出面店賣既好多時都超級韌😣，啃到嘴巴都酸埋都未啃完😩
呢間既就唔會👍🏻，幾有咬口但又唔會太韌，而魷魚都無乜腥味
我個人好鐘意食😋
佛手柑啫喱伯爵茶忌廉梳乎厘班戟 $109
呢間店好似出名就係佢既梳乎厘班戟🥞
係店外面已經一堆poster畫左各種梳乎厘班戟圖
拎上黎第一感覺就係擺盤真係靚，非常適合打卡影相用😍
之後3條友仔分，我用刀一切就驚了！
呢個質感…😯
點講呢，我真係好少食呢類甜品，不過我諗佢係做得好既梳乎厘🧐
聽講梳乎厘就係食空氣感😂
無錯! 呢個梳乎厘班戟真係好似食緊空氣咁🥹
佢口感就係一入口就好像食緊一舊☁️咁，好快佢就係你口入面化開消失🫥
口感幾得意，不過我諗自己試一次就夠🤣
☕伯爵茶忌廉同🍊佛手柑啫喱我覺得好好食，唔會太甜又清香
我自己覺得應該更鍾意配鬆餅食更佳🤔
抹茶意大利芝士溶岩蛋糕 $98
上黎既時候，個蛋糕被一圈膠膜圍住，店員會同你講幾分鐘內要將個膜抆起身。
一抆起層膜，蛋糕上既溶岩芝士奶蓋就慢慢流落黎，非常治癒🥰
蛋糕有D濕潤，就係芝士蛋糕，抹茶味都濃
呢個就真係有食到野既感覺了，整體都OK😋
野飲叫左杯咖啡，無飲所以唔評
Matcha Tonic🍵 $52
抹茶+湯力，UM我個人就覺得麻麻😅
就係抹茶既味加上酸酸既檸檬梳打水
Cheapest Flight 好似都係$52
朋友表示菠蘿 橙味 檸檬梳打 ，幾好飲
整體黎講，食物質素都幾好😗
但價錢我就覺得偏貴，而且排隊真係排到天荒地老🫠
所以除非係特登為左拍卡，唔係的話唔太推薦去🫤
張貼
