影片
更多
2019-03-23
2258 瀏覽
呢間係flippers姊妹店開咗一段時間 依然人流不斷週末四五點去已經排晒長龍不過服務唔錯 排隊期間店員會派幸運曲奇而且會比定餐牌你睇等左大半個鐘終於有得食1️⃣士多啤梨藍莓香蕉班戟一場黎到點可以唔食佢哋嘅招牌疏乎厘班戟有兩款：原味同士多啤梨我哋揀咗士多啤梨諗住有生果會豐富啲等左大約20分鐘就送到黎啦賣相就好靚 不過食落麻麻哋可能因為喺日本食過本店 期望有啲高蛋香比較濃 不過質地太濕直情覺得好似未煮熟咁2️⃣法式焦糖班戟非常特別嘅班戟 除咗個樣夠吸睛之外 味道亦都有驚喜我好鍾意食呢種用火槍整出嚟嘅焦糖加埋落軟熟嘅班戟嗰度 外脆內軟嘅口感再加埋香蕉同士多啤梨 好豐富 好飽肚3️⃣酸忌廉黑松露薯條呢個真係極度唔推介落單之後唔使10分鐘佢就嚟咗上枱速度快到咁 令我哋有啲懷疑係咪新鮮炸起 （因為我哋見其他食客叫嘅嘢食等好耐先到）果然一食落去啲薯條超級林 而且好油黑松露味欠奉 而且份量少酸忌廉就夠晒多 不過令到成個薯條好濕超級鍾意食薯條嘅我竟然會食唔晒睇嚟呢度都係甜品出色啲（有機會嘅下次試埋啲意粉 俾多次機會佢）4️⃣咖啡沙冰飲品黎講佢好多款我哋淨係想要個簡單啲嘅中和下啲甜味於是揀咗咖啡佢冇令我地失望！雖然係有
開咗一段時間 依然人流不斷
週末四五點去已經排晒長龍
不過服務唔錯 排隊期間店員會派幸運曲奇
而且會比定餐牌你睇
等左大半個鐘終於有得食
1️⃣士多啤梨藍莓香蕉班戟
一場黎到點可以唔食佢哋嘅招牌疏乎厘班戟
有兩款：原味同士多啤梨
我哋揀咗士多啤梨
諗住有生果會豐富啲
等左大約20分鐘就送到黎啦
賣相就好靚 不過食落麻麻哋
可能因為喺日本食過本店 期望有啲高
蛋香比較濃 不過質地太濕
直情覺得好似未煮熟咁
2️⃣法式焦糖班戟
非常特別嘅班戟
除咗個樣夠吸睛之外 味道亦都有驚喜
我好鍾意食呢種用火槍整出嚟嘅焦糖
加埋落軟熟嘅班戟嗰度 外脆內軟嘅口感
再加埋香蕉同士多啤梨 好豐富 好飽肚
3️⃣酸忌廉黑松露薯條
呢個真係極度唔推介
落單之後唔使10分鐘佢就嚟咗
上枱速度快到咁 令我哋有啲懷疑係咪新鮮炸起 （因為我哋見其他食客叫嘅嘢食等好耐先到）
果然一食落去啲薯條超級林 而且好油
黑松露味欠奉 而且份量少
酸忌廉就夠晒多 不過令到成個薯條好濕
超級鍾意食薯條嘅我竟然會食唔晒
睇嚟呢度都係甜品出色啲
（有機會嘅下次試埋啲意粉 俾多次機會佢）
4️⃣咖啡沙冰
飲品黎講佢好多款
我哋淨係想要個簡單啲嘅中和下啲甜味
於是揀咗咖啡
佢冇令我地失望！
雖然係有碎冰 但係個整體口感都幾滑
而且咖啡味濃 唔會太甜
總括黎講 除非唔使排隊 如果唔係我覺得試一兩次就夠啦
而且淨係試佢哋嘅招牌菜式就夠
其他野水平一般 價錢偏貴
張貼
