陳儀興飯店 (崇齡街)

營業中

休息中

好似好耐冇打食評，因為最近都少咗出街食飯。喺諗住求其食嘅心態下食到唔錯嘅道地潮州嘢，要記一記。除咗一般嘅小菜之外，仲有好多款唔同嘅海鮮不過只求填飽個肚only~ 就淨係叫咗幾樣野食。鑊氣小炒皇：有菜、蝦乾、花生等等，好香好脆，適合送飯。香煎蓮藕餅：唔係整得好厚或好多粉，而且唔太油膩，一咬落去係有一絲絲蓮藕，食完個感覺都唔會好熱氣，做小食唔係餸都好滋味。潮州蠔仔粥：估唔到一碗都好大碗，啱兩個人食，啲蠔仔夠曬足料。落啲胡椒粉更惹味。可能平時好多人經過都未必會被吸引行入去食，但呢餐好有潮州風味可以話係一間有啲隱世美食嘅餐廳呢！