炯記手撕雞 (汝州街) (已結業)

炯記出名燒味就知，但無諗過仲有手撕雞店，要入去試一試！入到手撕雞店就緊係要食手撕雞！我地二人就食左手撕雞牛角包配特濃西湯（$53）、絕味口水醬手撕雞腸粉（$40）同重慶酸菜魚（例）（$88），另外仲追加特飲（+$8），揀左水蜜桃梳打。手撕雞牛角包配特濃西湯先講呢個牛角包嘅組合，可謂中西合璧，牛角包🥐鬆軟又香口，而手撕雞可選麻辣或者鹽焗，我就揀左後者，食落鹹鹹地而啖啖肉，仲有生菜同芝麻醬襯托，意外地好match，值得一試。另外，唔同西湯會唔同價，我地就揀左蕃茄濃湯，名符其實真係好濃味，甚至覺得有點兒太濃😹，不得不說都幾足料，大大舊蕃茄加好多粒粒洋蔥。手撕雞腸粉嘅手撕雞我地就揀左口水醬味，微微嘅麻辣感可以刺激下味蕾。最重點係腸粉非常之好食，夠滑又夠熱，醬亦都好足！重慶酸菜魚配老火湯同白飯估唔到手撕雞店會有酸菜魚，冇想像中咁麻辣，可能配合返香港人口味，魚肉都幾滑，不過就覺得有點略少。另外老火湯係典型例湯，好岩我。最後水蜜桃梳打就正常發揮，可以。