影片
更多
2022-09-26
249 瀏覽
繼續小店之旅！呢排好鐘意睇火影忍者，所以想食下傳統日本野食。聽到友人推介話觀塘有一間食雞扒烏冬好出名的鋪頭，細個睇電視知道日本人好鍾意食雞扒豆腐烏冬，估唔到喺香港都可以食到。午餐時間都要排一陣，大約10人，而入面係坐滿的。我食醬油冷烏冬+骨付雞。首先講下烏冬係自家製，所以係好有彈力，食落好有咬感，唔易斷。當然亦都有手打烏冬嘅爽滑，加上份量剛好的醬油汁，唔會太寡。配菜有紫菜，蔥花，檸檬汁，蘿蔔蓉，全部加起上嚟就係滿滿的日本感，好幸福😋當然要講講主菜雞扒。因為佢係上等雞髀肉，所以好鮮嫩。食落係有豪大大雞扒嘅感覺，但佢肉身會更加厚。加上碟底秘制醬汁，推介大家要必試！朋友食原味竹廉烏冬，做法似蕎麥麵咁樣；另外湯烏冬都好味每人$90左右，價錢係觀塘工廠區lunch 來講算偏貴，但好味的。味道: 8/10服務: 6/10環境: 6/10性價比: 7/10
呢排好鐘意睇火影忍者，所以想食下傳統日本野食。
聽到友人推介話觀塘有一間食雞扒烏冬好出名的鋪頭，細個睇電視知道日本人好鍾意食雞扒豆腐烏冬，估唔到喺香港都可以食到。午餐時間都要排一陣，大約10人，而入面係坐滿的。
我食醬油冷烏冬+骨付雞。
首先講下烏冬係自家製，所以係好有彈力，食落好有咬感，唔易斷。當然亦都有手打烏冬嘅爽滑，加上份量剛好的醬油汁，唔會太寡。
配菜有紫菜，蔥花，檸檬汁，蘿蔔蓉，全部加起上嚟就係滿滿的日本感，好幸福😋
當然要講講主菜雞扒。
因為佢係上等雞髀肉，所以好鮮嫩。食落係有豪大大雞扒嘅感覺，但佢肉身會更加厚。加上碟底秘制醬汁，推介大家要必試！
朋友食原味竹廉烏冬，做法似蕎麥麵咁樣；另外湯烏冬都好味
每人$90左右，價錢係觀塘工廠區lunch 來講算偏貴，但好味的。
味道: 8/10
服務: 6/10
環境: 6/10
性價比: 7/10
張貼
