初遇

營業中

休息中

我叫咗紅燒牛肉手工麵。啲牛肉都炆得幾軟，唔會太肥，個湯底有少量藥材味，對我嚟講叫剛剛好，個手工麵相當有驚喜，麵質煙靱有咬口。同行嘅人點咗藥膳花雕牛肉頁丸手工麵，幾乎無藥膳花雕味。可以用低於半價加購飲品，如果想飲杯珍奶嚟哩度都係個划算嘅選擇。成間餐廳其實種類偏少，細心睇會發現啲食材嚟嚟去去得幾樣，就睇你配飯定配麵，配麵再睇咩湯底咁。服務嚟講全QR code點餐，無特別嘅地方。鋪面較細，所以坐嚟講有啲窄，同埋侍應可以企嘅地方亦唔多，所以會總有一個侍應企喺你視線入面嘅感覺。