影片
更多
2021-11-03
3422 瀏覽
睇開有啖好食嘅youtube channel🎥見佢成日介紹啲高質精緻嘅懷舊菜式都好想試下。呢日趁媽咪生日就試下呢間係六國酒店嘅粵軒，聽聞歷史悠久嘅六國酒店係全港第一間有中菜廳嘅酒店，而粵軒去到而家已經有超過80年歷史😮係以往曾經係唔少達官貴人嚟食中菜嘅好地方。雖然而家就冇之前咁輝煌，不過呢晚嚟到原來都幾旺場，有唔少人專程嚟食佢最出名嘅「黯然銷魂飯」，今次就叫咗當中嘅叉燒同埋其他手工粵菜試下。蜜汁叉燒色澤好靚，同平時食開嘅叉燒唔同，呢度嘅叉燒係熱辣辣咁食，不過我自己就覺得啲肉比較瘦，醬汁重口味咗少少，一般般啦😅陳村粉焗龍蝦煲其他地方好少會見到嘅特色菜，龍蝦好新鮮厚肉，肉質好彈牙👍🏻陳村粉平時飲茶先會食到蒸嘅陳村粉，呢個就比較特別啲，會有少少類似飯焦嘅口感，索咗啲麵豉醬嘅味，味道唔錯，不過如果可以同龍蝦一齊煲耐啲，吸收龍蝦嘅精華，整道菜式味道會比較一致。紙包骨懷舊手工菜之一，上枱時要自己剪開牛油紙食入面嘅排骨同墊底嘅洋蔥，排骨肉質幾腍幾鬆化，味道鹹鹹香香，不過整體就冇乜特別。荔茸香酥鴨呢度必點嘅菜式，芋泥包住鴨肉再拎去酥炸，面頭炸皮香脆唔油膩，中間食到厚厚creamy嘅芋泥，最底有一絲絲肉
蜜汁叉燒
色澤好靚，同平時食開嘅叉燒唔同，呢度嘅叉燒係熱辣辣咁食，不過我自己就覺得啲肉比較瘦，醬汁重口味咗少少，一般般啦😅
陳村粉焗龍蝦煲
其他地方好少會見到嘅特色菜，龍蝦好新鮮厚肉，肉質好彈牙👍🏻陳村粉平時飲茶先會食到蒸嘅陳村粉，呢個就比較特別啲，會有少少類似飯焦嘅口感，索咗啲麵豉醬嘅味，味道唔錯，不過如果可以同龍蝦一齊煲耐啲，吸收龍蝦嘅精華，整道菜式味道會比較一致。
紙包骨
懷舊手工菜之一，上枱時要自己剪開牛油紙食入面嘅排骨同墊底嘅洋蔥，排骨肉質幾腍幾鬆化，味道鹹鹹香香，不過整體就冇乜特別。
荔茸香酥鴨
呢度必點嘅菜式，芋泥包住鴨肉再拎去酥炸，面頭炸皮香脆唔油膩，中間食到厚厚creamy嘅芋泥，最底有一絲絲肉質剛好嘅鴨肉，幾樣嘢加埋夾得嚟層次又豐富，係全晚最好食嘅菜式😋😋😋
馬友鹹魚煎肉餅
看似簡單但味道幾好嘅煎肉餅，煎得啱啱好，肉餅帶鹹魚嘅鹹香但唔會死鹹，送飯一流。
杏汁火腿浸芥蘭
最後點都要食返個菜平衡下，呢個菜新奇地係用杏汁加火腿去煮，所以食落會帶少許杏汁嘅香味，幾特別。
人均消費：$400
推介指數（10分為滿分）：7.5分
張貼
