影片
更多
2020-03-13
512 瀏覽
都係嗰句，每個人嘅口味唔同，我都係照直講。事源，武肺關係日日食外賣，食到厭，想去附近食好西，就諗住試下成日經過但無食過嘅峰壽司。想早啲廢事人多，6點入去食，得兩三枱客。服務:正常，無咩好講上菜速度: 快過麥當勞，未免太快茶:非常一般，唔好飲但又唔難飲，無咩好講豉油: 差，唔鹹、唔甜、唔鮮，點落啲壽司到一啲都幫唔到手Wasabi: 我多數去食壽司第一件事一定係睇薑同wasabi，佢地雖然係配角，但係做得好可以加好多分。佢無薑，我已經有啲失望。一打開個wasabi 個蓋，佢唔係污糟，而係一睇就知係粉開嘅wasabi。而食落口同佢個樣好一致，只有攻鼻，咩味都冇。(以上兩樣配料已令我唔敢叫咁多野食，因為你知依間野嘅食材唔會好得去邊。)壽司: 依間野有個優點就係好多新口味，而且都出得幾合理，唔會係紅豆呀，鹹魚呀咁。叫左蟹肉沙律、魷魚、各種口味三文魚、海帶漬鯛、芥末八爪魚、海膽、鵝肝、紫蘇白飯魚、蟹膏、火炙魚背等等等等。所有野嘅味道都好一致。一致地唔腥，但一致地無味。同埋一致地涷。係令你啲牙都涷到有啲痛嘅涷。唔理件野好唔好食，魚生涷到咁真係即刻扣好多分。而且，所有野都係咩味都冇，你食到每件食材都應
事源，武肺關係日日食外賣，食到厭，想去附近食好西，就諗住試下成日經過但無食過嘅峰壽司。
想早啲廢事人多，6點入去食，得兩三枱客。
服務:正常，無咩好講
上菜速度: 快過麥當勞，未免太快
茶:非常一般，唔好飲但又唔難飲，無咩好講
豉油:
差，唔鹹、唔甜、唔鮮，點落啲壽司到一啲都幫唔到手
Wasabi:
我多數去食壽司第一件事一定係睇薑同wasabi，佢地雖然係配角，但係做得好可以加好多分。佢無薑，我已經有啲失望。一打開個wasabi 個蓋，佢唔係污糟，而係一睇就知係粉開嘅wasabi。而食落口同佢個樣好一致，只有攻鼻，咩味都冇。
(以上兩樣配料已令我唔敢叫咁多野食，因為你知依間野嘅食材唔會好得去邊。)
壽司:
依間野有個優點就係好多新口味，而且都出得幾合理，唔會係紅豆呀，鹹魚呀咁。
叫左蟹肉沙律、魷魚、各種口味三文魚、海帶漬鯛、芥末八爪魚、海膽、鵝肝、紫蘇白飯魚、蟹膏、火炙魚背等等等等。
所有野嘅味道都好一致。
一致地唔腥，但一致地無味。
同埋一致地涷。係令你啲牙都涷到有啲痛嘅涷。
唔理件野好唔好食，魚生涷到咁真係即刻扣好多分。
而且，所有野都係咩味都冇，你食到每件食材都應該有嘅口感，但係好神奇所有野係咩味都冇。
三文魚好大舊，但無味。
海膽唔腥無化學藥水味，但無味。
芥末八爪魚有少少山葵味，但八爪魚無味。
紫蘇白飯魚有紫蘇味，但白飯魚無味。(成晚最突出嘅就係紫蘇味)
連火炙魚背出黎嘅魚油都可以剩係得油味，完全唔香。
仲有個軟殼蟹卷，一落單佢就走出黎，好明顯唔係新鮮炸，仲要每件得8分1都唔知有冇嘅軟殼蟹，而且都係無味...
個鵝肝都可以接受，但係已經彌補唔到其他野食輸左嘅分數。
其實真係好神奇，點解可以咩味都無?
總之係唔好食，但又唔可以話佢好難食咁。
但係就好似ex咁，佢好好，你會記得佢，佢好衰，你又會記得佢，但如果佢咩特色都無，又無咩開心唔開心咁，你好快就唔會記得佢。
最後講下舊飯，其實佢飯同壽司比例幾好，唔會大大舊，想食死你咁，而且握出黎個形幾靚仔，但係個飯都係無咩味....
埋單加埋10%差唔多700...(比起平時算少，食唔飽)
唔算平但唔貴...
其實明白想係食材度慳成本，但係入啲貨真係太差啦，咁樣只會係惡性循環，趕客。
總結，唔會再去。
P.S. 無影相。一黎佢又無咩擺盤，有咩好影，二黎唔專業，影唔得靚。三，唔中意影相。
張貼