影片
更多
2024-03-01
244 瀏覽
如題目: 戴眼鏡經理態度奇差.第二次同最後一次光顧已經係2023年8月，但係我到今日都冇忘記過個經理態度有幾差。之前有食開馬鞍山分店覺得態度價錢所有嘢都OK，價錢抵食，中規中矩平價食下西餐，質素似大集團以前椰林閣咁上下。.之後發現荃灣開分店咁又唔知食咩就諗住去食吓，第一次都係OK同以前食嘅差唔多唔係話特別好食但係都係價錢抵食咁，填飽個肚同埋坐得舒適為主啦，都俾你晏晝唔係好忙(成間舖頭有一半都係空)食下野兩個女仔吹吓水咁。.第二次呢係夜晚食，一行四個人去食。行入去餐廳經理已經係唔多招呼，掂行掂過，要問先知係咪可以入座，本身個感覺已經唔良好已經想走，但係朋友話唔想再行啦咁就坐低食啦。.之後又落單追單戴眼鏡個經理態度完全0態度，就係一副我唔想做我想劈炮嘅樣。無論佢同同事call單追單，都係要加啲好奇怪嘅嘅助語詞或者完全唔禮貌嘅字句例如: 呢度爭份餐喎/嗌得未？/仲未嗌得？。我哋食緊嘢啲餐係逐一上緊嚟，個經理係會叫我哋拎開枱面食緊嘢+用不禮貌嘅手勢示意拎開。嗰陣講緊只不過係夜晚七點左右，絕對係未閂門。. 最後甜品都冇食走咗啦，半年前嘅事有啲細節我都唔係好記得，但係我就非常記得個經理態度係超級差
.
第二次同最後一次光顧已經係2023年8月，但係我到今日都冇忘記過個經理態度有幾差。之前有食開馬鞍山分店覺得態度價錢所有嘢都OK，價錢抵食，中規中矩平價食下西餐，質素似大集團以前椰林閣咁上下。
.
之後發現荃灣開分店咁又唔知食咩就諗住去食吓，第一次都係OK同以前食嘅差唔多唔係話特別好食但係都係價錢抵食咁，填飽個肚同埋坐得舒適為主啦，都俾你晏晝唔係好忙(成間舖頭有一半都係空)食下野兩個女仔吹吓水咁。
.
第二次呢係夜晚食，一行四個人去食。行入去餐廳經理已經係唔多招呼，掂行掂過，要問先知係咪可以入座，本身個感覺已經唔良好已經想走，但係朋友話唔想再行啦咁就坐低食啦。
.
之後又落單追單戴眼鏡個經理態度完全0態度，就係一副我唔想做我想劈炮嘅樣。無論佢同同事call單追單，都係要加啲好奇怪嘅嘅助語詞或者完全唔禮貌嘅字句例如: 呢度爭份餐喎/嗌得未？/仲未嗌得？。我哋食緊嘢啲餐係逐一上緊嚟，個經理係會叫我哋拎開枱面食緊嘢+用不禮貌嘅手勢示意拎開。嗰陣講緊只不過係夜晚七點左右，絕對係未閂門。
.
最後甜品都冇食走咗啦，半年前嘅事有啲細節我都唔係好記得，但係我就非常記得個經理態度係超級差，已經唔屬於體諒吓啦，人哋做得好辛苦嗰種，佢絕對係完全唔尊重”人”。佢俾人嘅感覺就係你食咪食囉，呢度係咁㗎啦，間舖頭我話晒事，你唔鍾意就出去囉。
.
食過今次我之後都唔會再食，都唔會叫朋友食。
.
其實投訴都淨係想佢改善，但感覺就係你唔會可以喺間餐廳度投訴到佢囉，除非你對住佢鬧囉，但係冇意思，我都唔再食了，佢都唔使改善了。
.
希望其他人唔好受到佢，咁不禮貌對待，成餐飯真係笑唔落。
張貼