影片
更多
2016-05-12
2767 瀏覽
The Grand 係我地既常睇戲院，今次睇完戲又到晚飯時間，就近近地留係elements食啦呢間野開左咁多年都未食過，原因係每次外面都好多人排隊，見elements既餐廳都試得7788，今晚唔餓就排下啦由於真係唔餓叫左兩樣野試下軟殻蟹紙米卷一上枱，嘩！舊舊軟殻蟹都好大舊呀！其實咁大舊食起上黎真係有點倫盡，個汁應該係羅望子醬加唔知咩整既，酸酸甜甜咁，軟殻蟹炸完依然食到好新鮮，唔錯唔錯見佢個餐牌寫住推介，就叫左呢個青咖哩焗杏仁三文魚，三文魚係有舊杏仁餅咁既野包住焗熟，再放上青咖哩上，個杏仁餅真係麻麻，無咩味，就咁食又唔好味，浸落青咖哩度食淋晒就仲難食，我寧願佢就咁青咖哩煮三文魚仲好味，個青咖哩係唔辣既，唔食得辣既人都一定可以食到三文魚魚質唔錯，無煮老，敗筆係舊杏仁餅度另外叫左杯coconut drink唔記得影相，但杯野飲同飲奶無分別.... 我地完全飲唔出係椰子整出黎既 呢間野價錢有番咁上下，但食物質素認真有改善空間，我真係唔明點解次次都咁多人排隊，我就一定唔會再有下次
呢間野開左咁多年都未食過，原因係每次外面都好多人排隊，見elements既餐廳都試得7788，今晚唔餓就排下啦
由於真係唔餓叫左兩樣野試下
軟殻蟹紙米卷一上枱，嘩！舊舊軟殻蟹都好大舊呀！其實咁大舊食起上黎真係有點倫盡，個汁應該係羅望子醬加唔知咩整既，酸酸甜甜咁，軟殻蟹炸完依然食到好新鮮，唔錯唔錯
見佢個餐牌寫住推介，就叫左呢個青咖哩焗杏仁三文魚，三文魚係有舊杏仁餅咁既野包住焗熟，再放上青咖哩上，個杏仁餅真係麻麻，無咩味，就咁食又唔好味，浸落青咖哩度食淋晒就仲難食，我寧願佢就咁青咖哩煮三文魚仲好味，個青咖哩係唔辣既，唔食得辣既人都一定可以食到三文魚魚質唔錯，無煮老，敗筆係舊杏仁餅度
另外叫左杯coconut drink唔記得影相，但杯野飲同飲奶無分別.... 我地完全飲唔出係椰子整出黎既
呢間野價錢有番咁上下，但食物質素認真有改善空間，我真係唔明點解次次都咁多人排隊，我就一定唔會再有下次
張貼
