阿木台灣麵 (廣華街) (已結業)

以一句「TVB就不用了。」霸氣拒絕東張西望邀訪的人氣台灣麵店，一定要狠狠地懲罰！麻辣牛肉麵 $65 一上枱已經聞到香味，麻辣湯唔會好辣但惹味。四件牛肉大大件好足料，筋肉分明夠腍之餘，仲入口融化，超讚！直接打入我在香港食過最正牛𦟌Top 3！麻醬拌麵 $37 麻醬適中，麵唔會一餅散唔開，可以撈到每條麵都掛醬，加埋青瓜絲都幾青新，不過當主食就無乜料，要加點小食先夠滿足。鹽酥肉 $39 即係鹽酥豬扒，肉質唔會柴皮，仲有少少筋，咬口唔錯。枱面仲有鹽酥雞調味粉隨便加，適合重口味人士（舉手）芝士玉米蛋餅 $40 溶化芝士有少少拉絲，加上粟米粒，令口感及味道豐富。