馬辣台式鴛鴦火鍋 (創興廣場)

營業中

休息中

平時得閒出來食飯，都會食到不同口味，有時食得貴D，有時食平D都會食到有些分別，食落真係有好大差異要講運氣。前排去咗旺角食飯，至於食乜係火鍋，平時都有去食，不過今次呢間比較特別D，鐘意喜歡食肉嘅朋友一定不容錯過，包你食得滿足。位置係創興廣場，好多人都會來到呢度食飯，皆因有十多間食肆夠晒集中，而且大多數都係做放題價錢，款式亦會有較多選擇，我地就去呢間馬辣台式鴛鴦火鍋。坐低咗先點咗湯底當然係鴛鴦鍋有台式麻辣同芫茜皮蛋。輪到肉有7款牛已佔4款，豬2款同羊，海鮮有海蝦，脆肉鯇，白鱔片同是日海鮮，我地見牛都有咁多款當然點晒先品嚐一下味道如何，除咗以上要落單先有得食外，其餘食物都係自助區款式種類多，再攞埋飲品就可以開餐。先來係牛全部都係美國牛，4款牛食落囗感各有不同，我就鐘意prime頂級牛梅花，肉質嫩滑肉味濃，另一款精選牛五花，肉質脂肪相當肥美，食落香滑口感十足，當然要再encall 一番食得夠開心。瘋狂一輪後再食咗其他食物包括有即包餃子等美食，記得要留番肚仔食埋即做甜品同雪糕。最後除咗食到美味嘅肉，仲有出色甜品已值回票價夠晒滿足，真抵食，又享受一餐台式鴛鴦火鍋。