達人包車 (已結業)

兩個月之前系某間專門店睇啱咗一對鞋，一直都未落定心水要買，今日終於決定要買佢啦！！！於是call埋超有taste嘅Lily同我一齊去買鞋，買完之後發覺糾結咗好耐嘅嘢終於sure之後，成個人都輕鬆曬，為咗慶祝買到自己鐘意嘅鞋咁大件事，我請Lily去達人食嘢。 夜晚嚟呢度食野真係有種好特別嘅feel，成間店嘅設計就好似包車一樣，中間系過道，兩邊系位，兩邊仲有啲藍色嘅小燈管圍住，好有情調啊~~~可能真係行街行得太攰啦，兩個人叫咗好多樣野，差唔多清曬！！呢個串燒一串入邊有腸仔、墨魚丸、蝦好多樣串埋一串，一齊燒一齊食，除咗食嘅時候比較麻煩之外，味道都ok。 串燒會有專門嘅人幫你處理好啲食材，咁大盤串燒都只系328，仲有人專門服務，抵食！石鍋拌飯系先系個石鍋入邊拌好啲食材同飯，再拿出嚟食。雖然我自己本身唔系好鐘意拌飯嘅味道，不過我覺得呢度拌出嚟嘅味道好特別食完串燒又食石鍋飯，口乾，都系嚟翻兩支飲品濕濕個口啦！！ 西柚果汁同埋柚子果汁，兩種都試完之後發覺我更加鐘意西柚嘅味道，柚子果汁飲落去系比較偏酸，柚子果汁比較甜食完所有嘢之後發覺呢間鋪頭食嘅野都係比較偏韓風，如果下次再嚟仲會點拌飯·