影片
更多
2019-01-30
326 瀏覽
平時我都係帶飯多，偶爾無飯帶的日子就會買外賣返公司食尖東呢間唐包點就係我成日幫襯的 呢間位於尖東站的唐包點，乾淨整齊，又唔使排長龍 有蒸飯，點心，蒸包 平時我叫一個蒸飯都夠，特別肚餓個日就叫多個點心或蒸包，都係五十蚊樓下，非常抵食 而且飯同點心既質素真的不錯，味道唔太濃，亦唔會蒸到爛溶溶 今日無飯帶，又去左幫襯，見佢有新野試 今日就全部試新野啦~ 魚香茄子飯 HKD 28 飯同餸都一樣咁多份量，茄子唔係一條條絲，係非常大舊的 就咁睇以為辣的，其實一D都唔辣，茄子煮得好淋好入味 飯都係一粒粒，唔會爛PAT PAT 看似很重口味，但其實味道一D都唔算濃，唔會得個咸字 最重要係我拎到返公司，飯同餸都依然熱辣辣~ 另一款新野就係粥 家下既粥鋪真係買少見少，有時想食碗粥都好難咁 家下唐包點有得賣，仲有我最愛的皮蛋瘦肉粥添 呢個粥驚喜的地方係落左腐竹去煲，除左阿媽煲外，都好少地方有得食 皮蛋係大大舊的 瘦肉都唔少，而且幾滑，唔會煲到嚡霎霎 最鐘意係粥既味道清淡，又唔咸 食完都唔會口渴，比坊間好多粥鋪的味精粥還要好~ 呢個粥唯一缺點係太少，飯的話，呢個size 就夠飽 但轉換係粥的話
尖東呢間唐包點就係我成日幫襯的
呢間位於尖東站的唐包點，乾淨整齊，又唔使排長龍
有蒸飯，點心，蒸包平時我叫一個蒸飯都夠，特別肚餓個日就叫多個點心或蒸包，都係五十蚊樓下，非常抵食
而且飯同點心既質素真的不錯，味道唔太濃，亦唔會蒸到爛溶溶
今日無飯帶，又去左幫襯，見佢有新野試
今日就全部試新野啦~
魚香茄子飯 HKD 28飯同餸都一樣咁多份量，茄子唔係一條條絲，係非常大舊的
就咁睇以為辣的，其實一D都唔辣，茄子煮得好淋好入味飯都係一粒粒，唔會爛PAT PAT
看似很重口味，但其實味道一D都唔算濃，唔會得個咸字
最重要係我拎到返公司，飯同餸都依然熱辣辣~
另一款新野就係粥
家下既粥鋪真係買少見少，有時想食碗粥都好難咁
家下唐包點有得賣，仲有我最愛的皮蛋瘦肉粥添
呢個粥驚喜的地方係落左腐竹去煲，除左阿媽煲外，都好少地方有得食皮蛋係大大舊的
瘦肉都唔少，而且幾滑，唔會煲到嚡霎霎最鐘意係粥既味道清淡，又唔咸
食完都唔會口渴，比坊間好多粥鋪的味精粥還要好~
呢個粥唯一缺點係太少，飯的話，呢個size 就夠飽但轉換係粥的話，就真係唔太夠飽
所以，我加多左個菜肉飽
雖然成日買飯同點心，蒸飽我反而係第一次食外表幾靚仔下喎，飽皮白雪雪，又有彈性
入面的餡都超級多，唔會因價就貨 得番一粒肉而且肉都幾彈牙有質感
唐包點的食物性價比真係幾高價錢抵食之餘，仲要一定水準
除左呢d新品，仲有粟米粥，咖喱雞飯，豬軟骨飯...
下次要黎試埋佢先~
題外話/補充資料：
呢D既工作人員非常好人，有耐性，有問必答，讚呀~
(以上食評乃用戶個人意見 , 並不代表OpenRice之觀點。)
張貼
