CHIMAC (大埔超級城) (已結業)

平時睇openrice 都係做CD-ROM，參考下邊間餐廳好食，無諗過會寫咩食評。但呢間野我真係要讚一讚佢，因為佢令我嚐到久違既難食食物，同獻出我第一條食評。我買咗炸醬麵同無骨炸雞。首先，炸醬麵用廉價公仔麵都算，佢連啲炸醬都可以係得少少咸味，咁你其實大可以叫做黑色咸醬公仔麵就算，無謂誤導消費者。價格$42+1外賣收費，各位睇完相可自行判斷。其次，炸雞我只可以講普通到不能再普通，甜甜地既炸雞，$65 有6件。今次只講食物，環境服務果啲正正常常。最後一句講晒，港式咪扮韓式啦。