臺北棧 (荷李活道) (已結業)

好耐冇得去旅行，真係好掛住台灣呀， 我要搵返台灣嘅味道，所以搵咗呢間餐廳。台灣雙色鹽酥雞，炸雞肉好大舊，jucy又唔會乾巴巴， 雙色醬係䄂子味同黑松露醬，2隻味都好味，但唔需要點醬都好有台灣街頭嘅味道。 醬汁係bonus黎嘅。招牌牛肉麵，湯底唔似藥材湯，但好夠味，係我鍾意嘅味道，牛肉幾大嚿，好淋又無筋， 刀削麵煙韌彈牙， 整碗麵好好食。髒髒鹹蛋黃芋泥蛋餅，好靚嘅賣相， 芋泥餡料豐富，蛋餅幾香，唔會太油，加埋粒粒鹹蛋黃，味道更豐富佢介紹自己係苦瓜大王，一於試下呢度嘅苦瓜汁。估唔到真係有驚喜蘋果苦瓜汁同芭樂苦瓜汁， 2款水果味道都好夾， 唔會得一味苦味，味道係真果汁，唔係人造果汁或加好多化學糖，幾好。甜品就係花生牛奶麻薯，雖然唔係平時食開嘅qq口感， 但入口依然好滑， 加埋有粗粒同幼細花生粉， 都係一個唔錯嘅甜品。