延

營業中

休息中

今日黎到位於天后嘅廷食會席料理，餐廳位於天后港鐵站附近，都幾方便架。前菜豆腐同三文魚子，好鮮味。之後仲有合桃同魚仔，仲有蕃茄等等，好豐富。刺身左口魚魚肉加左醬之後更加鮮味，左口魚裙邊油脂好豐富。貝類雙拼粒貝連醬油漬食好好味呀，本身粒貝已經好鮮甜，好新鮮。蝦蝦肉彈牙，上面仲有蝦膏添，好滋味。瑩光魷魚有生有熟，生既口感比較滑，熟既就比較彈牙。北海道毛蟹好多肉，好鮮味，仲有蟹膏添。針魚魚肉鮮美，仲加左梅醬添。真白鯛魚肉好鮮美多汁，外皮好酥脆，連埋薯蓉一齊食真係好好味。壽司杋立貝好鮮甜，仲落咗少少青檸汁，令到更加清甜。富山白蝦白蝦仔好鮮甜，好好味呀。深海池魚好厚肉，鮮味彈牙。海膽有馬糞海膽同紫海膽，紫海膽好鮮甜，仲回甘添。湯品魚湯好濃郁，入口完全唔腥，好鮮甜。日本季節生果夠曬新鮮，仲好甜添。整體黎講，今餐每款食物嘅質素都好高，特別係刺身好新鮮，加上餐廳嘅裝修都好靚，所以成個環境都好正。