影片
港鐵天后站 A2 出口, 步行約2分鐘
繼續閱讀
電話號碼
97901112
開飯介紹
裝潢氣派時尚，可眺望維港海景的席前鐵板燒餐廳，以時令食材炮製高質廚師發辦、刺身、壽司等，是約會、小型聚餐及慶祝重要日子的好選擇。
繼續閱讀
營業時間
今日營業
12:00 - 15:00
18:00 - 23:00
星期一至日
12:00 - 15:00
18:00 - 23:00
以上資料只供參考, 請與餐廳確認詳情
有關獎賞計劃
1650 瀏覽
疫情過後終於有煙花睇，初二晚大食會團拜，會長就專登安排一訪天后樓上鐵板燒「延」，務求邊食好西邊睇花火！位於22樓高層嘅餐廳佔用面積全層，步出𨋢門已可見應節嘅賀年靚花。鐵板區域共分開三間廂房，一大兩細，大房可容納上十人，細房頂盡只可坐七個人，晚市最低消費分別設為$10,000/大房及$8,000/細房。龍年九男女晚聚好自然地入座最大嗰間房，闊落舒適，私隱度高，抽氣系統都好強。大房可以打通埋隔壁同樣可觀賞維港靚景嘅細房，變成一間十七人房，最適合小型派對。冇景睇嗰間細房同其他兩間一樣光猛企理，高雅大方。經理Winnie姐姐介紹房間時歡迎大家四周參觀，而且有問必答，好客誠懇。菜單早已於訂座時預設好。每位席上擺有自用嘅餐具及調味醬汁，大家只需飯來張口。飯前梗係要先展示一吓最新鮮嘅海鮮正貨啦！有成四公斤重嘅北海道鱈場蟹仲郁緊架！啲斑馬瀨尿蝦身材都唔弱。當晚負責燒煮海陸鐵板大餐嘅料理人為Jimmy師傅，開爐即生炒蒜片。前菜：大廚開始表演之時，晚餐已正式由兩款軟嫩嘅假蟹柳豆腐及濃味嘅豬肉麵醬青瓜揭序。蘆薈茄子豆腐沙律：豆腐沙律清新爽潤，輕輕淋上麻醬已夠惹味，特別在透明清涼嘅蘆薈粒粒令口感更豐富。生炒蒜片：由白雪雪炒至金黃嘅青森蒜片每片都好似薯片咁乾巧脆薄，超！日本粒貝：睇到日本粒貝嘅真身後，長輩都異口同聲地「啊，即係響螺！」，之後仲互相對望地笑。切成細細塊嘅粒貝夠薄，就咁當刺身食其實好爽脆，不過喺鐵板上炒過就香口得多，其鮮味亦更加突出。北海道鱈場蟹：原來新鮮拆開嘅靚蟹不同部位有不同煮法同調味，廚房重組得真係有心機。六至八成熟嘅鱈場蟹肉幼嫩滑溜，清甜無比，完全唔洗落汁；連蟹膏嗰兩件蟹蟹則熱辣香濃。斑馬賴尿蝦：成晚最有驚喜就係超巨型兼每件中間啲膏都流哂心嘅斑馬賴尿蝦！紋理鮮明嘅賴尿蝦肉爽脆彈牙，橙亮鮮艷嘅流心膏更加係厚潤鮮甜，同中式嘅椒鹽賴尿蝦完全唔同食法，感覺好非一般。鱔：姨姨勁讚鱔肉煙韌肥美，厚肉有嚼口，姨丈仲話煎鱔皮脆到好似十八歲咁添，呵呵呵！好似夾啱時間咁，上半場海鮮環節一完就有煙花睇！A5鹿兒島野崎和牛薄燒：欣賞完飛龍在天後即輪到牛牛出場！如相所示，第一款A5鹿兒島野崎和牛油脂豐沛，色澤粉嫩！超薄嘅和牛快速喺鐵板上燒咗兩燒，捲入蒜片即上枱。和牛卷入口即溶，幼滑軟熟，中間脆卜卜嘅蒜片惹味得黎更成功為口感增添層次，實滋味無窮！美國肉眼扒：紅潤嘅美國代表明顯冇咁多肥膏。以肉眼扒燒出嘅士的球其實都好鬆好腍，只係有比較下，和牛薄燒遠勝一籌！炒飯：用上多隻蛋蛋炒製嘅炒飯新鮮熱辣辣，乾身得黎足料又夠香。炒雜菜：炒雜菜中嘅主角芽菜水份多，食落勁爽脆。水果：結尾簡單嘅節令蜜瓜清甜香潤又多汁。天后高層鐵板料理「延」環境優雅，仲可以遠觀煙花，服務生體胋周到，海陸晚餐用材新鮮高質，菜式美味夠火候，絕對值得一試！
繼續閱讀
朋友生日想食鐵板燒，就搵左間又有海景又高質嘅鐵板燒同佢慶生店內裝潢氣派時尚，可眺望維港海景仲設有三間獨立鐵板燒大房間，空間感十足，約會、小型聚餐及慶祝重要日子的好選擇餐廳以鐵板燒套餐為主，以時令食材炮製高質廚師發辦、刺身、壽司等除左可以近距離觀賞廚師即席烹調各種新鮮食材廚師仲每道菜都會用心介紹食材及品嘗方法，值得一讚食物方面 :鮑魚大蝦鐵板燒二人餐前菜三點 : 係蘆薈沙律，核桃小魚子及磯燒鮑魚，由清新淺味嘅沙律到濃味彈牙嘅磯燒鮑魚咁食，味道更佳日本褔岡活鮑魚 : 鮑魚非常生猛，夠曬新鮮爽口，原汁原味咁食都曬鮮味立鱗燒甘鯛 : 甘鯛立鱗燒製法，燒到魚鱗脆口但魚肉保持嫩滑，再配上青椒仔及薯蓉汁，帶出魚肉嘅鮮味，層次豐富，令人回味無窮大虎蝦 : 虎蝦真係好大隻，肉質爽口彈牙，再淋上用茄汁、茄膏、蝦膏、Tabasco 煮成嘅秘製醬汁，味道帶微辣，啖啖都充滿虎蝦味青檸啫喱 : 口感 Q 彈，味道酸酸甜甜，清一清味蕾就非常好美國厚燒牛柳/肉眼薄燒 : 厚燒同薄燒各有特色，厚燒牛柳剛剛好五成熟，肉質細緻，肉味香濃，肉眼薄燒卷住蒜片及蔥粒，濃香蒜蔥味，蘸少少燒汁食非常惹味本菇豆腐鱲魚湯 : 用足一條鱲魚再加上其後魚骨煲足三個鐘，再加入本菇及豆腐，湯底魚味濃郁炒飯 : 炒飯加入蒜片、蔥粒、煙肉去炒，炒得粒粒分明，最後再加多隻燶邊蛋係面，夠曬惹味炒野菜 : 用上芽菜及椰菜為主，芽菜飽滿爽脆，炒得夠曬鑊氣蜜糖多士 : 多士燒到外脆內軟，再加上一層薄薄嘅焦糖，夠曬甜蜜蜜瓜 : 蜜瓜清甜，為完美嘅一餐壽喜燒作總結
繼續閱讀
天后區一直都係搵美食好地方，經朋友推介之下，去咗一間好岩浪漫打卡嘅樓上日式鐵板燒，佢位於樹林銀座22樓，可以遠眺維港景色，好有氣氛🌌餐廳內提供傳統日式廚師發辦🍣亦有鐵板燒🔥，特設多間獨立房，私隱度極高，岩晒情侶或一班朋友嚟食飯或者慶祝🥳𓏸𑁍𓏸𓈒𓂃𓂃𓂃𓂃𓂃𓂃𓂃𓂃𓏸𓈒𑁍ᵂᴴᴬᵀ ᵂᴱ ᴼᴿᴰᴱᴿᴱᴰ活鮑魚二人前 HKD2480 for 2呢個餐最吸睛👀✨係450g 大鮑魚🤩 其次係有我鍾意食嘅馬友魚。而且，套餐仲有羊架同和牛，完全滿足晒我嘅味蕾😋店內有海水養殖海鮮，基本上所有海鮮都係即叫即劏超級新鮮，剩係加少許黑椒或特製醬料已經超美味🥰為食Be 真係好耐無食咁大隻鮑魚喇，足足460g 手掌都無咁大啊🤩要處理咁大隻真係好巧大廚功架！大廚會先煮鮑魚中間的椗位，再將其切片上碟，因為呢個部位較為靭，切片就方便進食又入口輕鬆，真係好貼心♥️ 之後，就會再煮鮑魚邊位，一件件上碟超彈牙啊😋特上珍寶緬甸大虎蝦🦐好大隻，仲加入咗蝦頭膏煮好入味，超滿足🫶🏻馬友魚係我平時去🍶居酒屋時必點，佐酒一流，油份較重，而魚皮煎得又香又脆，魚身啖啖肉又滑🤍 而帆立貝係跟爐上枱，可以第一時間熱烘烘入口，鮮甜爽口👍🏻平時小妹怕怕羊嘅羶味，大廚有輕輕去除過多脂肪，令烹煮過程減少油脂和肌紅蛋白的化學反應，入口真係減去少許羶味又好食😋A5 和牛厚燒就無得輸架喇，油花均勻入口即溶！連最後魚湯都極之香濃 配埋日本水果作結 超滿足♥️沙律菜前菜二點❁ 日本合桃配魚仔❁ 汁煮東風螺澳洲鮑魚 450g特上珍寶緬甸大虎蝦🦐季節 馬友魚🐟北海道帆立貝青檸啫喱清味蕾˗ˋˏᰔˎˊ˗ ❁ 澳洲羊架❁ A5和牛厚燒炒野菜炒飯香濃𩶘魚湯日本水果/雪糕❁ 焦糖多士 、日本超甜多汁蜜瓜今次食鐵板燒體驗非常之唔錯，見到佢lunch menu 都好抵一人前都只係HKD378👏🏻已經決定下個月情人節夜晚再嚟試埋佢omakase🍣♥️一間餐廳，可以有兩種體驗🥰🥰大家都快 D book 位試下啦☺️.
繼續閱讀
唔洗同人迫都可以飽覽維港景嘅𝑻𝒆𝒑𝒑𝒂𝒏𝒚𝒂𝒌𝒊～仲有𝙑𝙄𝙋房可以睇煙花( ˘▽˘)っ小型聚餐岩哂有幾款鐵板燒套餐 午餐一人前最平$378食到！海鮮鐵板燒二人前 $②④⑧⓪ 𝒇𝒐𝒓 𝒕𝒘𝒐✿ 前菜｜海螺 // 合桃魚仔 // 海葡萄沙律 // 白飯魚苗.✿ 海鮮｜日本鮑魚 // 金鯛 // 大蝦.✿ 肉類｜日本黑豚// 美國牛肉薄燒.✿ 炒飯｜炒雜菜｜鮮魚湯.✿ 甜品｜煎多士 // 哈密瓜 // 雪糕超豐富(´∀`)海鮮好生猛 基本上唔洗點調味都好鮮甜！鮑魚大蝦都好爽口 大蝦仲好多膏～金鯛製法特別 即場用油淋上魚皮 食落非常脆口魚肉軟嫩 配上枝豆忌廉汁 一啖放落口更軟滑另外有豬牛薄燒 包住蒜片、蔥 多汁軟嫩oﾟ▽ﾟ怕你唔夠飽～仲有炒飯 好有鍋氣又粒粒分明不能錯過鮮熬魚湯 集合精華所在 非常濃郁焦糖多士脆口香甜 隱藏食法係蘸雪糕 有冰火口感！最後要讚服務好好 師傅又專業 環境亦好加分喔
繼續閱讀
這𥚃的鱈場蟹鐵板燒套餐非常適合愛吃海鮮的你，首先有北海道帆立貝，配搭清甜的昆布湯，之後就是主角鱈場蟹，廚師先用牛油炒熟蟹腳，可以吃出鮮甜的原味，再加入蟹膏燒香，蟹肉變得更惹味。季節魚選用了台灣馬友，魚油豐盛又香濃，廣島蠔配搭炒香的煙肉、櫻花蝦和蔥花，是特別又香口的配搭，牛肉的質素也不錯，不論薄燒肉眼或牛柳都美味。廚師炒飯時，記住要求加隻煎日本雞蛋，絕對有錦上添花的感覺。這裏吃飯有海景伴隨，有煙花表演時也可以清清楚楚看得見呢。
繼續閱讀
您可能會有興趣的...