影片
更多
2022-06-27
4521 瀏覽
📌 URBAN Cafe (彌敦道)📍 旺角彌敦道566-568A號僑建大廈2樓☎️ 68326990~ ○( º ㉦ º )○ ~ ○( º ㉦ º )○ ~ ○( º ㉦ º )○ ~ ○( º ㉦ º )○ ~之前去過觀塘嘅Urban Cafe 玩貓貓🐱🐱後一直都念念不忘，知道旺角都有，呢日就去咗旺角嘅Urban Cafe （油麻地地鐵站行去大約2分鐘），再去犯賤做奴才。😂旺角店面積比觀塘細，不過貓嘅數量都好多。目測大約廿幾三十隻。另外店員安排咗窗口位俾我哋，一邊望住繁忙嘅彌敦道，另一邊係主子們懶洋洋嘅樣，強烈對比下覺得做人其實可以放輕鬆啲，唔好乜都趕頭趕命。💫二人套餐 （$2️⃣9️⃣8️⃣）毫無懸念一定係揀二人套餐。$298 有齊餐湯，沙律，主食同$38以下飲品。加$28仲有一份二人小食拼盤。抵食又省時。唔洗諗食乜，可以留多啲時間玩貓貓。🥢南瓜忌廉湯飲到絲絲南瓜，奶味濃郁，入口creamy 細滑。🥢沙律沙律菜新鮮，仲加入水果，口感豐富又健康。🥢滋味2人小食拼盤（雞軟骨餃子、唐揚雞塊、薯角）食完健康沙律就俾自己勁食炸嘢啦。呢個拼盤全部係香口炸嘢，新鮮脆口，邪惡又美味，分量亦好多。最好味係雞
📍 旺角彌敦道566-568A號僑建大廈2樓
☎️ 68326990
~ ○( º ㉦ º )○ ~ ○( º ㉦ º )○ ~ ○( º ㉦ º )○ ~ ○( º ㉦ º )○ ~
之前去過觀塘嘅Urban Cafe 玩貓貓🐱🐱後一直都念念不忘，知道旺角都有，呢日就去咗旺角嘅Urban Cafe （油麻地地鐵站行去大約2分鐘），再去犯賤做奴才。😂
旺角店面積比觀塘細，不過貓嘅數量都好多。目測大約廿幾三十隻。另外店員安排咗窗口位俾我哋，一邊望住繁忙嘅彌敦道，另一邊係主子們懶洋洋嘅樣，強烈對比下覺得做人其實可以放輕鬆啲，唔好乜都趕頭趕命。
💫二人套餐 （$2️⃣9️⃣8️⃣）
毫無懸念一定係揀二人套餐。$298 有齊餐湯，沙律，主食同$38以下飲品。加$28仲有一份二人小食拼盤。抵食又省時。唔洗諗食乜，可以留多啲時間玩貓貓。
🥢南瓜忌廉湯
飲到絲絲南瓜，奶味濃郁，入口creamy 細滑。
🥢沙律
沙律菜新鮮，仲加入水果，口感豐富又健康。
🥢滋味2人小食拼盤（雞軟骨餃子、唐揚雞塊、薯角）
食完健康沙律就俾自己勁食炸嘢啦。呢個拼盤全部係香口炸嘢，新鮮脆口，邪惡又美味，分量亦好多。最好味係雞塊，肉質幾鮮嫩，超出cafe水準。
主食揀選咗：
🥢即磨芝士黑松露忌廉意大利飯
好creamy 嘅意大利飯，刨咗好多芝士落去，芝士控大讚廚師毫不吝嗇😁意大利飯口感唔會太生硬，易入口，粒粒米都滿滿忌廉。黑松露芝士味極重，份量都好足，兩人share 啱啱好。
🥢巴馬火腿拉絲水牛芝士手工薄餅
薄餅分成四件，每件都有火腿夠匀真。剛剛焗起就上枱，芝士味重，趁熱食做到拉絲效果。加上面頭鋪滿香香嘅蘑菇同香草，餅底係脆身厚批，所以食完都好夠飽！
💡P.S. 真係好多愛貓之人，我哋走果陣門口都幾多人等緊，建議一定要預先Book 位。
~ ○( º ㉦ º )○ ~ ○( º ㉦ º )○ ~ ○( º ㉦ º )○ ~ ○( º ㉦ º )○ ~
張貼
