成都老碼頭火鍋 (已結業)

旺角塘尾道呢間宮廷feel嘅火鍋店超搶眼，離遠已經見到喇，除左火鍋好食，佢仲有一點勁吸引我，就係任食水果喇，一齊睇睇今晚食左咩先。湯底揀左鮮淆百豬骨湯，入面有啲火腿冬菇蝦米大蔥，都幾鮮味。火鍋料都有幾多可以揀半份，啱晒人少少試多幾樣野。手切極品prime牛小排啲雪花紋幾靚，入口夠滑牛味都唔錯。極品鵝腸用隻鴨仔裝住好得意，好爽脆完全唔肥，新鮮嘅唔係雪藏野。老友鬼鬼即係墨魚滑鑲油炸鬼，都幾得意值得試下，另外菠菜墨魚滑就夠晒eye catching同彈牙。餃類都幾出色，蛋餃嘅蛋皮做得夠薄，西洋菜餃嘅茶菜肉比例都啱啱好。仲有少見嘅水蓮同未見過嘅高原雪花繡球菌，食落好爽口一定要試下。紫薯寬粉顏色勁靚，好煙韌有咬口，煮到透透地就食得。最後就係狂食水果喇，今晚簡直係芒果放題，我地食左十幾個呀。佢地仲有好多優惠，首先7點半前離坐有68折，再加上打卡同用指定app落單又有野飲送，抵食！