影片
更多
2016-04-11
355 瀏覽
金巴利街已經變哂成條韓國街韓國野其實黎黎去去都係個D，想特出重圍就諗諗計今日老公放假，就去左呢間好有GIMMICK 的韓國鋪頭試下鋪頭係同街黎講屬於大鋪黎，仲有室內同室外可以坐 (煙民啱哂) menu 好多元化，由韓燒，韓式PIZZA, 炸雞，步隊鍋都有~總之韓式大熱的菜式都可以係度搵到~ 睇番價錢，其實唔係平，每款都百幾至二百幾咁係因為佢D份量每款都超大，係2-3人份量，所以呢度適合一班人黎~ 隨枱的韓式小食，泡菜水準唔錯，入味又唔會醃得太霉爛。唔知點解有粟米，有少少奇怪，不過阿囡超LIKE, 一坐底已經KO左一半另一個酸瓜就麻麻了，加番少少糖中和下會好好多~ (呢D前菜可以REFILL 架~)今日黎呢度，其實係為左呢串呃LIKE相~超大串燒 HKD 328 呢串野同我阿囡一樣高~ 100cm @@ 每張枱上面其實都已經整定個勾俾你掛呢串野，即係話呢串野係鋪頭既熱賣啦~成個串燒都有人幫你燒工作人員會分兩次燒~ 第一次就燒到紅椒個度~ 成串燒肉點串，其實都有鋪排過，首先一定係舊五花腩，因為佢舊膏D油可以用黎起鍋嘛~ 之後就跟住係一舊肉同一舊菜~呢層就串左五花腩，洋蔥，豬扒同菠蘿同紅椒~
韓國野其實黎黎去去都係個D，想特出重圍就諗諗計
今日老公放假，就去左呢間好有GIMMICK 的韓國鋪頭試下
鋪頭係同街黎講屬於大鋪黎，仲有室內同室外可以坐 (煙民啱哂)
menu 好多元化，由韓燒，韓式PIZZA, 炸雞，步隊鍋都有~總之韓式大熱的菜式都可以係度搵到~
睇番價錢，其實唔係平，每款都百幾至二百幾咁係因為佢D份量每款都超大，係2-3人份量，所以呢度適合一班人黎~
隨枱的韓式小食，泡菜水準唔錯，入味又唔會醃得太霉爛。
唔知點解有粟米，有少少奇怪，不過阿囡超LIKE, 一坐底已經KO左一半
另一個酸瓜就麻麻了，加番少少糖中和下會好好多~
(呢D前菜可以REFILL 架~)
今日黎呢度，其實係為左呢串呃LIKE相~超大串燒
HKD 328
呢串野同我阿囡一樣高~ 100cm @@ 每張枱上面其實都已經整定個勾俾你掛呢串野，即係話呢串野係鋪頭既熱賣啦~
成個串燒都有人幫你燒
工作人員會分兩次燒~ 第一次就燒到紅椒個度~
成串燒肉點串，其實都有鋪排過，首先一定係舊五花腩，因為佢舊膏D油可以用黎起鍋嘛~ 之後就跟住係一舊肉同一舊菜~
呢層就串左五花腩，洋蔥，豬扒同菠蘿同紅椒~
韓燒黎講，五花腩係永遠無得輪，肉質有咬勁，配合少少肥，多多爽的肥膏，絕對無失手豬扒估唔到都唔差，幾嫩滑，就算燒完都唔會嚡十十。
燒肉沾的醬有3款
酸辣醬：唔算太辣，但酸酸甜甜幾好味
海鹽：阿囡既至愛，當然我都係, 食燒食沾海鹽先可以食到肉既味
豆板醬：真係食到有粒粒豆~, 唔辣，但好咸~
第二層就有牛肉，雞肉，蝦，腸仔，南瓜同黃椒~
工作人員好細心咁幫我地剪到細細粒，方便小朋友食~ 讚~ >3<一家3口食完呢串野已經飽哂~@@
食韓燒，當然要飲番D凍冰冰的飲品
青色檸檬飲料：酸酸甜甜的有氣飲品，用黎解膩一流
芒果飲料：甜甜的芒果味，有少少汽，小朋友至愛~
50蚊一杯，其實唔算平，不過勝在夠大杯，由頭飲到尾都得~
因為之前眼闊肚窄，所以叫多左個牛~ 醬燒牛肉
HKD 280
睇相諗住只係幾片，同好多菜，應該食得哂~
點知現實係勁多牛~@@ 菜反而唔太多，仲有D韓國粉鋪底，大碟到呢~@@ (呢個都應該係3-4人份~)
因為就咁煮，工作人員又無指示又搞搞佢，整熟後D牛肉痴埋左一舊舊~@@
醬牛料理有D甜甜地的醬汁，牛肉因為薄，好快熟，最好係無咩肥肉，煮完後D牛肉真係好甜好好味~ 都係因為無搞過，有少少燶左，不過唔影響味道~
食左個串燒，呢個牛肉，其實已經唔食到落，打包左回家第二朝加埋飯變左牛肉飯，勁好味~ XD
呢度既餸全部都好大盤，所以最好三五成群黎食會更開心
呢度既文化係一落單就全部送哂上黎，如果想食完一樣先一樣，最好落單時先同佢講~
基本上燒肉同其他店鋪質量差唔多，不過因為玩GIMMICK, 所以成班人黎會食得開心D ~
店內有幾個韓國工作人員，不過因為語言問題，好似無本地既工作人員咁積極同好幫手~
題外話/補充資料：
七點前去唔使等位，七點後門口開始出人龍~
(以上食評乃用戶個人意見 , 並不代表OpenRice之觀點。)
張貼
