傑志膳房

喺沙田學完車，打算同朋友喺區內順手食埋飯先走，所以就去到石門呢邊試下開咗兩個月嘅呢間傑志Bistro。中午個set menu有好多唔同選擇，可以揀跟唔跟沙律呀、湯咁樣。我就咁要咗個茴香湯、石班柳、同杯飲品加甜品。個湯同想像中唔同，個口感唔會好稀，但係飲落係會好舒服。個茴香味幾出，但係唔會好攻，個味道好啱我個喜好。個石斑柳焗得嚟個口感仲係好嫩，不過我自己平時食開好重口味，就會覺得相比冇想像中咁鹹。個蒜蓉牛油汁牛油味好出，加少少鹽同條魚一齊食就會啱啱好。今日個甜品我揀咗cheesecake。飲品方面我本來想就咁要杯可樂，但係個經理同我講話因為餐廳行健康路線，所以冇賣汽水。佢推介咗杯Espresso Tonic俾我（因為我口痕想要杯有氣嘅嘢），咖啡味同tonic water個味加埋一齊會飲到少少tonic嘅苦味，但係又好平衡，冇話邊隻味搶咗第二隻咁，係會幫到個人calm down。個餐廳環境係好舒服，同埋本身樓底高，會覺得好休閒。不過下次可能要再留多少少肚先食，佢哋個沙律同埋main course份量都好足，如果可以細份少少就會好D。聽講呢排係試業中，個menu會個個星期換，可能下星期又去多