貴族甜品 (元州街)

營業中

休息中

食完飯想食糖水，經過呢間舖頭，見到都有幾枱客，有位，就入去試下，叫咗合桃糊同埋心太軟，佢話心太軟要等，知道的👌🏻先嚟咗合桃糊，一入口，酸的！同個姐姐講，佢話換俾我，叫我揀過第二樣，咁我就揀咗蛋白杏仁茶，點知個蛋白杏仁茶仲衰！！杰撻撻一陣怪味！從來未食過咁難食嘅杏仁茶！我都冇要求再換，淨係問吓係唔係生磨，會唔會粉開的，佢話肯定唔係！OK，咁真係唔啱食。。心太軟嚟咗，係咁嘅。。各位請看照片，這個是心太軟嗎？果斷放棄，埋單走人買單時隨口問一句心太軟唔係有軟心朱古力嘅咩？另一個姐姐行埋去望吓，係喎！不如我打個折比你呀！我又唔係要攞着數，所以同佢講唔使啦不過唔會有下次！