十下火鍋

懷舊香港風裝修加埋高級食材打邊爐係咩玩法？今次試咗個十下二人精選套餐(每位$358)湯底其實都好夠飽，我哋揀咗火瞳花膠魚肚雞湯補吓，配菜就包十下三寶滑、蒜味香腸、三星蔥醬爆頁丸、蟹肉蟹粉餃、脆炸響鈴、脆炸魚骨、寬冬粉同蔬菜拼盤。湯底真材實料，花膠、金華火腿同魚翅份量都唔少！配料最精采係蟹肉蟹粉餃同寬冬粉，蟹肉蟹粉餃超足料，鮮味爆燈，脆炸響鈴加寬冬粉配落個湯底，索晒啲湯汁，補到上心口！三寶滑、蒜味香腸同三星蔥醬爆頁丸表現都一流！醬料盤應有盡有有啦！整體上，無失望嘅地方，抵讚！