金鳳大餐廳 (晴朗商場)

營業中

休息中

啟德站真喺好多餐廳，行咗去晴朗商場發現咗間老字號金鳳大餐廳，好耐都冇食金鳳，即時入去鋸個扒先！回憶番哂嚟，微波爐叮叮的餐包🍞超濃味羅宋湯🍅好creamy嘅白湯美國安格斯肉眼扒（七成熟）碟上保留肉汁，配脆薯格同爽甜雜菜，加$2爆多蒜蓉，惹味到舔唇！另一必試招牌牛柳餐，喜歡鐵板咋咋聲上枱，五成熟靠餘溫至剛剛好，切開粉嫩無筋，肉質鬆化，淋滿黑椒汁更帶焦香，口感好鬆軟添。餐廳店員姐姐都好有禮，環境都闊落坐得舒服。