影片
更多
2018-03-10
2595 瀏覽
藝術工作坊開年飯，人多又要好食夾抵食，又要近地方，所以決定黎金碧酒家食特色懷舊菜。雖然係晌彩虹舊屋村，無華麗裝修，地方淺窄，但懷舊菜真材實料，烹調精心，其他地方食唔到，個個食飽都讚好。 一行共25人，所以一早訂枱，仲要預訂菜式。因為全部古法炮製，要預先準備先有。唔好諗住去到先叫， 一定咩好野都無得食。就算人少都唔好諗住walk-in, 曾經見過單丁夜晚七點想黎食晚飯，點知全包場無位，被阿姐即時趕走，真陰公。我地今次亦都食唔到椒鹽魷魚，好可惜。最推介杏汁豬肺湯，杏湯味香濃，實在好味到難以形容。而且大大鍋，一圍十二人，每人剛好飲兩碗。錦滷雲吞係另一味必食菜。呢度係賣正宗既錦滷雲吞，炸雲吞係純脆片，無鹼水味，配上多料酸甜汁，有大隻鮮蝦、豬潤、青椒、紅椒... 食過你先知咩叫做正宗。如果唔怕油膩，荔芋紋扣肉，同埋梅子鴨都係值得一試既懷舊菜。但我就鐘意食八寶鴨多D, 覺得香口唔油膩。可惜為試梅子鴨，今次就無叫到。荔芋紋扣肉，入口即溶，南乳味濃，一生人總要試一次，千祈唔好怕肥。梅子鴨味道適中，幾香口。除此之外，今餐仲叫左蠔屎生菜包 (炒埋肥豬肉，超香唔油膩）相對普通既生炒骨小炒王 （唔推介）蒜蒸茄
一行共25人，所以一早訂枱，仲要預訂菜式。因為全部古法炮製，要預先準備先有。唔好諗住去到先叫， 一定咩好野都無得食。就算人少都唔好諗住walk-in, 曾經見過單丁夜晚七點想黎食晚飯，點知全包場無位，被阿姐即時趕走，真陰公。我地今次亦都食唔到椒鹽魷魚，好可惜。
最推介杏汁豬肺湯，杏湯味香濃，實在好味到難以形容。而且大大鍋，一圍十二人，每人剛好飲
兩碗。
錦滷雲吞係另一味必食菜。呢度係賣正宗既錦滷雲吞，炸雲吞係純脆片，無鹼水味，配上多料酸甜汁，有大隻鮮蝦、豬潤、青椒、紅椒... 食過你先知咩叫做正宗。
如果唔怕油膩，荔芋紋扣肉，同埋梅子鴨都係值得一試既懷舊菜。但我就鐘意食八寶鴨多D, 覺得香口唔油膩。可惜為試梅子鴨，今次就無叫到。
荔芋紋扣肉，入口即溶，南乳味濃，一生人總要試一次，千祈唔好怕肥。
梅子鴨味道適中，幾香口。
除此之外，今餐仲叫左
蠔屎生菜包 (炒埋肥豬肉，超香唔油膩）
相對普通既生炒骨
小炒王 （唔推介）
蒜蒸茄子，白雪雪，但一食立即令我刮目相看。鐘意食蒜既人不可錯過。
羅漢齋 （非常一般）
飯後仲有紅綠豆糖水送。糖水呢D有無得送，完全係睇阿姐當日心情，即係睇你好唔好彩，哈哈。
每味份量都好多，想試多幾味，建議超過十個人，而且個個有番咁上下大食先至去 😂
張貼
