金碧酒樓

營業中

休息中

呢間老牌街坊式酒家想試好耐，終於老媽生日有機會試，因為好近娘家。果朝打左好多次電話訂枱都冇人聽，原來酒家唔做早市。果晚試左呢幾個餸：本來想叫煎，老闆娘話得蒸，照叫。碟餸一到，聞到好香豉油味☺。食落唔腥，有少少薑絲一齊蒸，覺得幾好食，又整得有心機，自己食左成半碟。呢個湯自己整唔掂，咁橋係是日例湯，又叫嚟試吓。個湯好香杏仁味，豬肺細細舊洗得好乾淨，唔錯！呢個d魚入口麻麻，都有肉地不過唔似斑塊。其他叫左生炒骨，都ok，不過唔係食過最好。炒菜心，簡單ok。有機會試吓呢間私房菜式，見到隔離枱蒸大蟮、炸蟹蚶好似幾正。