$98懷舊糕點九宮格
呢個九宮格除咗係佢哋店嘅招牌，仲係充滿懷舊嘅味道，好多種糕點從小食都充滿懷舊嘅味道，先試咗黑芝麻糯米糍，黑芝麻味好香濃，但覺得出邊嘅皮太厚，作為鍾意皮薄餡靚嘅我就稍為失望，開心果糯米糍本人認為太甜，餡料中有好多糖，開心果味亦都唔太重，花生糯米糍嘅花生脆卜卜好有口感，係我最鍾意嘅糯米糍味道，之後就係砵仔糕，砵仔糕嘅味道唔夠香濃，味道好淡，但覺得紅豆夠多，都幾真材實料，芝麻卷撳落去會彈起嚟，但同砵仔糕一樣都係唔夠味，花生糖嘅花生中和咗充滿甜味嘅焦糖，令到成件事唔會太甜，咬落去咔嚓一聲，好有口感，中間嗰個唔太知道佢係咩，但係佢嘅皮好厚，入邊嘅餡似係有紫薯同南瓜，認為味道上都可以，牛耳餅而家已經好少見，食落去脆卜卜好香口，從第一排第二個桂花糕嘅口感好奇怪，味道亦都好淡，唔太知自己食緊啲咩
$48大理石黑芝麻牛乳
佢價錢偏貴以為佢會有特別嘅味道，但結果都係正正常常一杯芝麻味比較濃郁嘅牛奶
