上海榮華川菜館

營業中

休息中

有日路過觀塘見到呢間餐廳，諗起以前學生年代成日嚟食，今次就再買外賣試下先。門面同印象中嘅差唔多，夠哂懷舊。今日就揀咗個二人餐，小菜、湯羹同小點各有一款。另外仲有兩個白飯，而八寶茶只限堂食先有。九王鱔糊 - 份量都幾多，韭黃爽口有口感，鱔肉都幾彈牙，個汁好好味，用嚟撈飯一流。雲吞雞 - 湯底好濃雞味，上海雲吞大大粒，餡料係雪菜豬肉。雞肉係成隻雞肶切開，食落啖啖肉。娃娃菜索晒啲汁好好味。春卷 - 即叫即炸好香脆，點埋紅醋更好食。白飯 - 粒粒分明軟硬適中有口感。