樓下火鍋飯店

營業中

休息中

12月第一日，天氣開始凍，當然食火鍋打邊爐。今日我同幾個朋友就去試吓樓下火鍋，呢間嘢喺銅鑼灣橋底地庫，地方闊落，都幾好坐。佢嘅裝修就好似以前嘅大排檔，好特別，我哋由攞位嗰一刻開始，就好似返咗7，80年代….湯底我哋嗌咗大肉蟹花甲海鮮湯，好正，佢係新鮮蟹即刻炒做湯底（$3xx)蟹肉好新鮮。大手切肥牛($3xx)加拿大新鮮象拔蚌刺身,啲肉超級新鮮，生食同打邊爐灼一灼都一樣咁好食，之後帶咗啲菜、響鈴等等真係好滿足嘅一餐，嘢又好食，仲可以俾我哋打卡。