潮藝館

營業中

休息中

金磚豆腐椒鹽味突出，外皮炸至金黃色，內裏豆腐嫩滑。一口咬落去會食到外脆內軟既感覺，味道適中，唔會太鹹。而且大小剛好適合一口一粒，會向其他人推薦，不過食之前就要小心睇熱啦。懷舊春菜煲有不同種類的菜，例如菜心芹菜，菜身較淋。仲有排骨同排骨湯，肉質餚到好腍身，好易離骨。湯底味道適中，整體感覺好滋補。菠菜蟹肉羹味道沒有預想中菠菜既青草味，加上蟹肉令整體提升鮮味。湯羹芡汁濃稠適中，仲有熱爐不停heat住個湯，咁就唔怕會攤凍。濃湯蠔仔肉碎泡飯材料好豐盛，有好足料即蠔仔吅肉碎。嗦咗汁嘅米飯較硬身，有口感。濃湯同材料飯嘅比例剛剛好唔會太稀，又唔會太稠。獅頭鵝件滷水幾入味，鵝肉肉質嫩滑，底下豆腐被滷水汁浸住帶點鹹。鵝肉半肥半瘦，不會太油膩。燕麥一口薯外層的燕麥，令口感有脆脆的感覺，再有糖粉包住嘅熱辣辣紫薯。整體不算太甜，適合怕甜膩人士。