影片
更多
2025-08-18
0 瀏覽
「錢唔係問題 問題係冇錢」 一入到「老荔冰室」嘅玻璃門，即刻俾濃濃嘅懷舊港風包圍！牆上掛住霓虹燈招牌，打卡位多到數唔晒。晚飯時段坐滿晒行完D2 Place嘅後生仔，仲有幾個cosplayer著住動漫造型嚟食飯，氣氛熱鬧得嚟又夠chill～花膠雞足料雞湯米線 ($72)一上枱就聞到陣陣雞湯香！師傅每日用大量雞殼熬製，飲落鮮甜。碗內有大大塊厚身花膠，彈牙得嚟充滿膠質，仲有嫩滑雞髀肉，同埋素魚翅等等配料。米線索晒湯汁精華，飲完成碗湯都唔會口渴～秘製蔥油增肌手撕雞 ($48/250g)雞肉撕成粗條狀，肉質超嫩滑，唔會柴。特別標註含65g蛋白質，抵食過食蛋白粉！滑蛋沙嗲牛肉飯 ($72)沙嗲醬用秘方調製，甜中帶微微麻辣，牛肉片嫩滑唔韌，重點係個醬汁——濃郁得嚟帶花生香，撈飯食簡直係邪惡享受！芝心蝦多士 配酸辣米線($58)即叫即炸熱辣辣！多士外皮金黃酥脆，咬開芝士即刻流心，蝦膠彈牙鮮味。米線酸度適中，開胃之選。阿華田脆脆火山 ($26) & 椰汁紅豆冰 ($26)阿華田脆脆鋪滿成杯，飲落有脆脆雙重口感；紅豆冰用椰汁代替花奶，甜度較低更健康。金沙朱古力流心西多士 ($52)超罪惡但超滿足！西多士炸
一入到「老荔冰室」嘅玻璃門，即刻俾濃濃嘅懷舊港風包圍！牆上掛住霓虹燈招牌，打卡位多到數唔晒。晚飯時段坐滿晒行完D2 Place嘅後生仔，仲有幾個cosplayer著住動漫造型嚟食飯，氣氛熱鬧得嚟又夠chill～
花膠雞足料雞湯米線 ($72)
一上枱就聞到陣陣雞湯香！師傅每日用大量雞殼熬製，飲落鮮甜。碗內有大大塊厚身花膠，彈牙得嚟充滿膠質，仲有嫩滑雞髀肉，同埋素魚翅等等配料。米線索晒湯汁精華，飲完成碗湯都唔會口渴～
秘製蔥油增肌手撕雞 ($48/250g)
雞肉撕成粗條狀，肉質超嫩滑，唔會柴。特別標註含65g蛋白質，抵食過食蛋白粉！
滑蛋沙嗲牛肉飯 ($72)
沙嗲醬用秘方調製，甜中帶微微麻辣，牛肉片嫩滑唔韌，重點係個醬汁——濃郁得嚟帶花生香，撈飯食簡直係邪惡享受！
芝心蝦多士 配酸辣米線($58)
即叫即炸熱辣辣！多士外皮金黃酥脆，咬開芝士即刻流心，蝦膠彈牙鮮味。米線酸度適中，開胃之選。
阿華田脆脆火山 ($26) & 椰汁紅豆冰 ($26)
阿華田脆脆鋪滿成杯，飲落有脆脆雙重口感；紅豆冰用椰汁代替花奶，甜度較低更健康。
金沙朱古力流心西多士 ($52)
超罪惡但超滿足！西多士炸到外脆內軟，切開朱古力醬如岩漿爆發。建議share食～
張貼
