影片
更多
2023-09-11
1821 瀏覽
是日嚟到灣仔搵食，經朋友介紹去左一間好復古風嘅台灣菜到食。因為避開左飯市，約莫6點左右到，啲人未收工，所以去到即有位入，食食吓就越嚟越多人。佢門口係唐樓入口，行過未必好覺眼，我都差啲行過籠😂行動不便者要留意番，因為佢係唐樓嚟，所以要行兩層上去，冇電梯。行到樓梯間會有標示，標示寫嘅嘢仲非常幽默。因為係唐樓入邊，所以外邊行上嚟都會覺得少少殘舊，行兩層上到餐廳門口。入到去就會覺得好復古，保留咗好多舊物。為左一野試哂所有嘢，我點咗一set晚餐，揀嚟揀去選擇咗十。先講講前菜，包含養生牛蒡、百香青木瓜同橙汁冬瓜。佢嘅橙汁冬瓜同出邊唔同，佢係薄片狀，出邊食過條狀，好清爽，岩夏天食，好醒胃。而養生牛蒡係咸菜果類，酸酸鹹鹹，但我覺得擺喺兩個甜酸嘅涼菜中間有啲怪，可能因為我麻麻地又鹹又甜。而百香青木瓜，佢係將青木瓜切絲，再去撈百香果醬，相對最甜係呢個，我覺得呢個最特別，出邊都少見。然後講下碗湯，青木瓜燉排骨，飲得出係老火湯嚟，唔係味精溝水，因為我本身唔係好食豬，一飲就有豬騷味，所以我飲得出係濃濃豬骨煲出嚟，撇除我唔食豬呢樣嘢，碗湯係好飲嘅。當然因為老火湯嘅緣故，面頭一定油啲，女仔撇下先飲。再嚟講講主菜，台
行動不便者要留意番，因為佢係唐樓嚟，所以要行兩層上去，冇電梯。行到樓梯間會有標示，標示寫嘅嘢仲非常幽默。
因為係唐樓入邊，所以外邊行上嚟都會覺得少少殘舊，行兩層上到餐廳門口。
入到去就會覺得好復古，保留咗好多舊物。
為左一野試哂所有嘢，我點咗一set晚餐，揀嚟揀去選擇咗十。
先講講前菜，包含養生牛蒡、百香青木瓜同橙汁冬瓜。佢嘅橙汁冬瓜同出邊唔同，佢係薄片狀，出邊食過條狀，好清爽，岩夏天食，好醒胃。而養生牛蒡係咸菜果類，酸酸鹹鹹，但我覺得擺喺兩個甜酸嘅涼菜中間有啲怪，可能因為我麻麻地又鹹又甜。而百香青木瓜，佢係將青木瓜切絲，再去撈百香果醬，相對最甜係呢個，我覺得呢個最特別，出邊都少見。
前菜
43 瀏覽
0 讚好
0 留言
然後講下碗湯，青木瓜燉排骨，飲得出係老火湯嚟，唔係味精溝水，因為我本身唔係好食豬，一飲就有豬騷味，所以我飲得出係濃濃豬骨煲出嚟，撇除我唔食豬呢樣嘢，碗湯係好飲嘅。當然因為老火湯嘅緣故，面頭一定油啲，女仔撇下先飲。
青木瓜燉排骨
26 瀏覽
0 讚好
0 留言
再嚟講講主菜，台式醉雞，食落真心有啲失望，因我作為主菜以為有好大驚喜，點知佢應該用左好多花雕酒去醃，所以太搶味同苦，再嚟雞件唔夠滑，有啲嚡口，當然好失敗又未至於，但出邊食過好食過佢嘅。
台式醉雞
88 瀏覽
0 讚好
0 留言
反而食配菜鹹蛋白玉苦瓜，我就俾佢驚喜到，啲鹹蛋炒到起哂沙，控制得好好，同埋苦瓜一啲都唔苦，係甘味，呢個配菜好食過主菜。
鹹蛋白玉苦瓜
65 瀏覽
0 讚好
0 留言
而主食因為我唔多食豬肉，揀左雞肉飯，覺得佢有蔥油香既，但都係果句啲雞嚡口加埋成個飯係好乾身，如果濕啲會好啲。
雞肉飯
43 瀏覽
0 讚好
0 留言
最後去到杯飲品，揀左蘋果綠茶，係有真蘋果嘅，不過不失。
蘋果綠茶
35 瀏覽
0 讚好
0 留言
整體嚟講，無論服務、餐廳環境同食物都係不過不失，可能成日去台灣嘅關係，所以覺得以台灣菜嚟講冇咩驚喜位，如果中意復古風可以嚟試吓嘅。
十
$239
31 瀏覽
0 讚好
0 留言
張貼
