鴨仔冰室 (已結業)

放工食好西😆 朋友介紹去呢度食懷舊冰室～原來呢座大廈嘅地下有好多餐廳～呢度佈置都似足以前嘅冰室風格，格仔檯布，皮梳化，座位都寬鬆舒適。抗疫期間亦有隔板及入座量體溫等防疫措施👍🏻餐湯-什菌湯個湯好清，飲落都好夠味，而且有好香嘅菇味，幾清甜幾好飲海鮮拼盤籃個海鮮籃有炸魚塊，炸蝦，炸魷魚圈同埋薯條，配個酸忌廉醬。份量好足好夠，我地兩個人食，食完呢個已經飽咗一半🤣炸魚啲魚肉都好夠實淨，唔用係用叉一篤就散哂，但係入面又冇乾哂老哂咁炸蝦都係，雖然用雪藏蝦就梗㗎啦，但係蝦肉都唔係梅嘅，都仲幾彈牙炸魷魚圈都ok好食，比較大路同普通炸薯條係用粗薯條㗎😍炸得幾脆同好香口，少少鹽味。幾樣嘢食本身都夠味嘅，點啲酸忌廉醬更好，而且會感覺冇咁滯焗三文魚拼薯蓉嘢食一到打開個錫紙包，件三文魚好夠熱出哂煙咁🤣而且好大件。食落啲三文魚肉夜係唔會乾哂，同埋雖然冇配咩特別醬汁俾我地點，但係本身塊魚嘅調味已經好夠，好味😋值得一提係個薯蓉，佢唔似有啲地方咁加咗芝士或者煙肉，但係個調味做得好好，就咁已經好好食啦~鐵板牛柳配大蝦 (黑椒汁)一嚟到見到同其他嘢食一樣，好夠份量，足足兩塊牛柳，而且夠厚，唔係好薄果啲😵蝦就一隻，中等siz