大良鴻輝記

營業中

休息中

成日都食西式甜品，久唔久又會掛住啲傳統中式糖水！ 宜家香港中式糖水，已經買少見少…越來越少人做。競爭性不及新派糖水…希望香港仲可以保存呢份傳統細細個已經同阿媽嚟鴻輝記食糖水，佢芝麻糊、合桃糊……真係冇得輸但佢個桑寄生蓮子蛋茶…亦非常好味，感覺好補今次試下其他糖水先熱杏仁糊：招牌三寶之一…食落好傑身， 有非常濃嘅杏仁味 感覺真係新鮮每日磨製， 食完真係幾飽肚凍腐竹糖水 & 芝麻湯圓：通常腐竹糖水都會加雞蛋，不過忽然想食芝麻湯圓！腐竹糖夠清甜…亦有濃郁嘅腐竹味，又唔會太甜！不過，如果有少少腐竹皮咬吓會開心啲 芝麻湯圓夠煙韌，如果個皮薄少少就仲好好欣賞佢個薑糖水， 真係好夠薑價錢合理， 有懷舊感覺！ 希望呢啲小店可以繼續保留