阿木台灣生活百貨

營業中

休息中

疫情下好多年無得去旅行，雖然好多地方已經開關，但最想去嘅台灣仍然遙遙無期，好掛住台灣嘅夜市小食，之前已經聽過「阿木」，今日經過附近終於可以買返d試下了。「阿木」主打台灣食品，除咗小吃及蛋糕外，仲有好多急凍嘅台式小食，例如蚵仔煎、黑白切等等，真係屋企都可以食到唔同嘅台灣夜市小吃。黑白切 :係香港唔係好多地方可以食到黑白切，主要係豬嘅內臟，有豬大腸、豬肺及米腸等等，蒸8-10分鐘就食得，食落完全無內臟臭味，沾埋醬油膏及辣醬食，好有台灣風味。蚵仔煎 : 台式小食又點可以冇蚵仔煎？落鑊煎返熱就食得，非常方便，食落有Q彈嘅口感，蚵仔份量都幾多，加埋醬汁非常惹味。高麗菜韭黃豬肉水餃 :水餃細細粒，啱晒一口一粒，水餃皮煙韌，豬肉餡都幾多，加埋韭黃及高麗菜，食落感覺清新。店鋪定期都會有團購活動，有好多款唔同嘅台式食品及蛋糕，訂完一個星期後就可以取貨，唔需要好似網購咁有排等。