樂天大喜屋 (已結業)

今日勁開心！收到房署嘅短訊話我抽到居屋！！！可以去揀樓下個星期五.夜晚就去食餐勁㗎啦！ 九點鐘去咗旺角大喜屋，248+1, 價錢就正常啦食物都幾多，食物質素可以啦。又唔係特別好食又唔會話好難食。但真係好嘈，個氣氛麻麻地，啲位擺到好迫。值得一讚就係佢個雪糕甜品，佢係有一個北歐嘅牌子essxxxxx, 幾好食。另外其實我覺得有少少失望就係其實我勁鍾意食粉絲蒸扇貝，但係唔知點解佢個粉絲蒸扇貝呢，係粉絲還粉絲，佢係蒸完隻扇貝先至放幾條粉絲落去，完全令人覺得奇怪失望痛心