影片
更多
2022-12-22
58 瀏覽
餐廳坐位唔多，只有8個坐位，唔預約都嚟唔到。坐位以bar枱形式，可以見到廚師即場烹調美食。食物主要係法日fusion菜，會見到用左好多日本海鮮做材料加入法國傳統菜，絕對係一個好新鮮嘅體驗。今次試嘅係是日晚餐，總共有8道菜加甜品同埋水果。前菜海膽配法式多士北海道海膽香甜又入口即溶，加入青檸汁做調味，鮮甜味係味蕾爆發。吞拿魚脆卷脆蛋卷入面係吞拿魚他他，配以柚子胡椒同埋紫菜碎，食落香脆又綿密。北海道北寄貝北寄貝預先用左清酒焯到半生熟，倒入用魚湯打成白色泡沫，加入甜豆同埋綠色蔥油汁。食落清甜又帶鮮味。鱈魚白子 用左紫菜包裏住去炸，白子下面嘅橙色湯係法國傳統菜（普羅旺斯燉菜），依家將佢整成湯縮嘅醬汁。灑上紅色嘅一味粉，會有少少辣味，橙色脆脆係烏魚子，帶出少少咸香味。主菜Pasta用左冰鎮處理嘅天使麵，令到口感更加彈牙。加入矜貴嘅Royal Caviar Club嘅魚籽醬，再倒入白松露汁同埋日本昆布漬稍作調味，成碟菜都冇用個一點嘅鹽，但係白松露味已經好突出，和牛他他透明嘅帶刺海膽造型嘅杯，打卡度十足。裡面嘅係M6+和牛整成嘅他他，上面用左黃色嘅煙燻飛魚子，下層係油炸麵包碎，加入漬物做甜味同埋青檸汁
今次試嘅係是日晚餐，總共有8道菜加甜品同埋水果。
前菜
海膽配法式多士
北海道海膽香甜又入口即溶，加入青檸汁做調味，鮮甜味係味蕾爆發。
吞拿魚脆卷
脆蛋卷入面係吞拿魚他他，配以柚子胡椒同埋紫菜碎，食落香脆又綿密。
北海道北寄貝
北寄貝預先用左清酒焯到半生熟，倒入用魚湯打成白色泡沫，加入甜豆同埋綠色蔥油汁。食落清甜又帶鮮味。
鱈魚白子
用左紫菜包裏住去炸，白子下面嘅橙色湯係法國傳統菜（普羅旺斯燉菜），依家將佢整成湯縮嘅醬汁。灑上紅色嘅一味粉，會有少少辣味，橙色脆脆係烏魚子，帶出少少咸香味。
主菜
Pasta
用左冰鎮處理嘅天使麵，令到口感更加彈牙。加入矜貴嘅Royal Caviar Club嘅魚籽醬，再倒入白松露汁同埋日本昆布漬稍作調味，成碟菜都冇用個一點嘅鹽，但係白松露味已經好突出，
和牛他他
透明嘅帶刺海膽造型嘅杯，打卡度十足。裡面嘅係M6+和牛整成嘅他他，上面用左黃色嘅煙燻飛魚子，下層係油炸麵包碎，加入漬物做甜味同埋青檸汁做調味，食落和牛他他嘅油脂味好濃郁，又有天然嘅牛肉甜味。
燒金目鯛
用左立鱗燒成嘅金目鯛，高溫嘅熱油令到塊塊魚鱗都豎立，食戈時可以連鱗一齊食。醬汁用左清酒煮成嘅白奶油醬同埋綠色嘅蒔蘿油，外層口感特別香脆，內層又鮮嫩幼滑。
法國黃酒燒雞
雞肉用左香港黃油雞，風乾左一日先去焗，雞肉入面用左garlic同埋香草去調味。烤雞另外仲配上一鍋米飯，用鑄鐵鍋去煮日本七星珍珠米，加入三文魚籽同埋蔥花，食落底層會有飯焦味。至於雞肉就加入左法國嘅黃酒Vin Jaune，令到油香嘅雞肉多左果仁香味。
甜品
栗子麻薯拿破崙配雲呢拿雪糕，生日仲可以要求寫祝賀說話。
是日水果
熊本士多啤梨。
張貼
